«بۇگىنگى تاڭدا تاۋار اينالىمى بويىنشا ەلىمىزدە قازاقستان قىتاي مەن رەسەيدەن كەيىنگى ءۇشىنشى ورىندى الادى. ءوسۋ قارقىنى جوعارى. جاقسى ينۆەستيتسيالاردىڭ دا قازاقستاننان كەلگەنىن ايتا كەتۋ كەرەك. قازاقستاندىق ينۆەستورلار قىرعىزستان ەكونوميكاسىنا ميلليارد دوللاردان استام قاراجات سالعان. مەنىڭ ويىمشا، بۇل ءوسىم ارتا تۇسەدى»، - دەدى ا. اتامبايەۆ.
قىرعىز ەلىنىڭ باسشىسى ەل ۇكىمەتىنىڭ قولايلى ينۆەستيتسيالىق كليماتتى قالىپتاستىرۋ مەن سىرتقى ينۆەستورلار ءۇشىن ەكونوميكالىق قاتەرلەردى ازايتۋعا باعىتتالعان شارالاردى قولعا الىپ وتىرعانىنا ەرەكشە كوڭىل ءبولدى.
«ءبىز الدىڭعى بيلىكتىڭ قاتەلىگىن تۇزەتۋ ارەكەتتەرىن قولعا الدىق. اتاپ ايتقاندا، ول كەزدە قازاق ينۆەستورلارىنا تيەسىلى بانك رەيدەرلىك جولمەن تارتىپ الىنعان بولاتىن. رەيدەرلىك تۋرالى ءبىزدىڭ ءتيىستى دالەلدەردى كەلتىرۋىمىزدەن كەيىن بۇل بانك قازاق ينۆەستورلارىنا قايتارىلدى. ءبىزدىڭ قارىم-قاتىناستارىمىزدىڭ دامۋىنىڭ جاڭا كەزەڭىنەن ءۇمىت كۇتەمىز، ءارى، قازاقستان پرەزيدەنتىنىڭ باۋىرمالدىق نيەتىن دە بايقادىق. ءبارىمىزدىڭ ەۋرازيالىق ەكونوميكالىق وداقتا باسىمىز قوسىلعان كەزدە بىرىككەن ارەكەتتەرىمىزدىڭ ەكونوميكالىق ءدۇمپۋ تۋدىرارى ءسوزسىز!» - دەپ اتاپ ءوتتى ا. اتامبايەۆ، ەكىجاقتى ءتيىمدى ەكونوميكالىق ينتەگراتسياعا دەگەن ۇمتىلىسىن بىلدىرە وتىرىپ.