ازيا وليمپيادالىق كەڭەسى ينديرا بەكتەنوۆاعا ديپلوم مەن مەدال تابىس ەتتى
اتالعان سپورت دوداسىن ءدۇيىم جۇرتقا جاريالاعان ءبىر توپ وتاندىق جۋرناليستەردىڭ اراسىنان سۋىرىلىپ شىعىپ، ازيالىق وليمپيادا كەڭەسىنىڭ پرەزيدەنتى شەيح احماد ءال- فاحاد ءال-ساباح مىرزانىڭ اتىنان ينديرا باقىتجان قىزىنا ديپلوم مەن ەستەلىك مەدال تابىس ەتىلدى. قۇرمەت-قوشامەت كورسەتۋ ارقىلى ويىنداردى ۇيىمداستىرۋ كوميتەتى قازاقستاندىق جۋرناليستەردىڭ ەڭبەگىنە جوعارى باعا بەرىپ وتىر.
ينديرا بەكتەنوۆا - «KazSPORT» تەلەارناسىنىڭ رەداكتورى، «قازاقستان» ۇلتتىق تەلەارناسىنىڭ سپورت جاڭالىقتارىنىڭ، «تاڭشولپان» باعدارلاماسىنىڭ تاڭعى جاتتىعۋلار ايدارىنىڭ، قازاق راديوسىندا «Sport.kz» باعدارلاماسىنىڭ جۇرگىزۋشىسى.
ول سوچيدە وتكەن قىسقى وليمپيادا ويىندارى مەن ينچحوندا اياقتالعان جازعى ازيا ويىندارىنان قازاقستاندىق كورەرمەندەرگە حابار تاراتتى.
«ينديرا سپورتقا كەزدەيسوق كەلگەن جوق. ول كاراتە دو شوتوكان بويىنشا ق ر كۋبوگىنىڭ يەگەرى، كاراتە دو شوتوكان بويىنشا ۇلتتىق دارەجەدەگى تورەشى، كاراتەدەن قارا بەلبەۋدىڭ يەگەرى، دجەتكۋندو بويىنشا قارا بەلبەۋ يەگەرى»، دەلىنگەن حابارلامادا.