ۆەنادا العاشقى ۇشاتىن كولىكتىڭ تۇساۋى كەسىلدى - فوتو/كەسكىن
بۇل اۋەكولىكتىڭ پروتوتيپى، شامامەن، 25 جىل بۇرىن جاسالىنعان. قازىرگى تاڭدا ترانسپورت قۇرالى بايقاۋ سىناعىندا تۇر.
بۇل جاڭالىقتىڭ اۆتورى - بۇرىندا BMW جانە «Audi» اۆتومەكەمەسىندە جۇمىس جاساعان، قازىر «Aeromobil» كومپانياسىنىڭ باس- ديزاينەرى ستەفان كلياين. «Flying Roadster» ءتۇزۋ جولدا، ورتا ەسەپپەن العاندا، 160 ك م/ساعاتپەن جۇرسە، كوككە كوتەرىلگەن سوڭ 200 ك م/ساعاتتان استام جىلدامدىقپەن ۇشا الادى.
كولىك قۇراستىرۋشىلاردىڭ سوزىنە قاراعاندا، بۇل اۋەكولىك، نەگىزىنەن، ترانسپورت جۇيەسى السىزدەۋ ەلدەرگە ارنالعان. جوبا ءالى دە كوپتەگەن تولىقتىرۋدى قاجەت ەتكەندىكتەن، جاپپاي وندىرىسكە قاي ۋاقىتتا شىعاتىنى ازىرگە بەلگىسىز.
«Flying Roadster» تۋىندىسىنىڭ ەڭ نەگىزگى ايىرماشىلىعى، ونىڭ كولەمىنىڭ كىشىلىگىندە. قاراپايىم كولىكتەر جۇرەتىن قارا جولعا ەمىن- ەركىن سىيادى. سونداي- اق، كولىك تۇراعىنا ەش قيىندىقسىز قويۋعا بولادى. ۇشاتىن كولىك ساعاتىنا 15 ليتر جانارماي جاعادى ەكەن. وندىرۋشىلەر قاۋىپسىز ۇشۋ قۇرىلعىلارىنىڭ ساپاسىنىڭ مىقتىلىعىنا كەپىلدىك بەرىپ، سەنىم ءبىلدىرىپ وتىر.
وكىنىشكە قاراي، ۇشقىش كولىك يەسىنە جول كەپتەلىسىنەن قاشىپ قۇتىلۋىنا كومەكتەسە المايدى. اۋەگە كوتەرىلۋى ءۇشىن 50 مەترلىك اسفالتتى جول نەمەسە قاراپايىم ءشوپتى القاپ قاجەت.