بيلل كلينتوندى ۇمىتا الماي جۇرگەنىن تاعى دا جاريالاپ، جاھانعا جار سالدى

استانا. قازاقپارات - ارادا ءبىراز ۋاقىت وتكەن سوڭ مونيكا ليەۆينسكيدىڭ داۋسى قايتادان ەستىلە باستاعانداي.

بۇل جولى ول اق ءۇيدىڭ قوجايىنى بولعان پرەزيدەنت بيلل كلينتوندى ۇمىتا الماي جۇرگەنىن تاعى دا جاريالاپ، جاھانعا جار سالدى.

كلينتون ا ق ش پرەزيدەنتى بولىپ تۇرعان ساتتە ەكەۋىنىڭ اراسىندا ماحاببات بولعانى تۋرالى مۇقىم دۇنيەگە حابار تاراتقان مونيكا ليەۆينسكيدىڭ جاسى قازىر 37 دە. ەكەۋىنىڭ اراسىندا ماحاببات بولعانى جونىندە ەكس-پرەزيدەنتتىڭ ءوزى دە مويىنداۋعا ءماجبۇر بولعان.

پرەزيدەنت كەزىندە اق ۇيدەگى ورىنتاعىنان ايرىلىپ قالا جازداعان كلينتوندى ايەلى حيللاري كەشىرگەننەن كەيىن عانا بارىپ، اڭگىمە ساپ تىيىلعانى بەلگىلى.

ال الەمگە اتىن شىعارعان مونيكا ليەۆينسكي 2006 - جىلى اق ۇيدەگى قوجايىنمەن اراداعى قاتىناس جايىندا «مونيكا ماحابباتىنىڭ تاريحى» اتتى كىتاپ شىعارعان. بۇل كىتاپ مونيكاعا 500 مىڭ دوللار تابىس اكەلگەنى بەلگىلى. ول Jenny Craig كومپانياسىندا ايەلدەر سۋمكاسىنىڭ ديزاينىمەن اينالىستى. سونىمەن قاتار ديەتالىق ونىمدەر جارنامالاۋمەن شۇعىلداندى، سونداي-اق تەلەارنادا رەاليتي-شوۋ جۇرگىزدى.  

2006 - جىلى لوندون ەكونوميكا مەكتەبىندە الەۋمەتتىك پسيحولوگ ماماندىعىن الدى. قازىر ليەۆينسكي لوس-اندجەلەستە تۇرسا دا، تۇراقتى جۇمىسى جوق. ءبىراق ءالى كۇنگە دەيىن بيلل كليتوندى سۇيەتىنىن جاسىرا المايدى.

- مەن وسى كەزگە دەيىن بىرنەشە ەرلەرمەن قاتار ءجۇردىم. ءبىراق ولاردىڭ ەشقايسىسى دا بيلل كلينتونداي بولا العان جوق. مەن ونى ەشقاشان دا ۇمىتا المايمىن، -  دەيدى ول.

ءوزىنىڭ اتىن وسىلاي شىعاراتىن امەريكالىق ارۋعا مۇنىڭ ءبارى ۇيات ەمەس سەكىلدى. قالىپتى ءومىر سالتىنداي كورىنىپ تۇرعانداي. مۇمكىن، تاعى دا اقشاسى تاۋسىلعان شىعار.

«اتىڭ شىقپاسا، توعاي ورتە» دەپ قازەكەڭ بەكەر ايتپاعان عوي.

دايىنداعان بەرىك بەيسەن ۇلى

«ايقىن»