مەنى شۇلىعىممەن كومىڭدەر
17:05, 22 - قازان 2014
استانا. قازاقپارات - وتە باي كىسى ءولىمىنىڭ جاقىنداعانىن سەزگەنىندە بالاسىن جانىنا شاقىرتىپ ەڭ ماڭىزدى وسيەتىن ايتىپتى.
«بالام مەنى مازارعا شۇلىعىممەن كومىڭدەر!» دەپتى.
بالاسى تۇسىنبەگەنىمەن جارايدى دەپ قابىل ەتەدى. اكەسى قولىنا تاعى ءبىر حات بەرەدى.
«مەن ولگەننەن كەيىن ءبىرىنشى قينالعان كەزىڭدە حاتتى اشىپ وقى!» دەيدى.
كۇندەر ءوتىپ اجالى كەلگەن اكەسى جان تاپسىرادى. ال بۇل كەزدە بالاسىن ءبىر وي مازالاپ جۇرەدى. «مەن ەندى اكەمدى شۇلىقتارىمەن بىرگە قالاي كومەمىن...» قانشا مولداعا، يمامعا بارسا دا العانى ءبىر جاۋاپ «جوق، دىنىمىزدە ونداي نارسە بولمايدى!». بالا شاراسىز وتىرعاندا ەسىنە اكەسىنىڭ «ءبىرىنشى قينالعان كەزىڭدە حاتتى اشىپ وقى» دەپ بەرگەن حاتى تۇسەدى. دەرەۋ حاتتى تاۋىپ وقيدى. حاتتا بىلاي جازىلعان بولادى:
«بالام بايقاعانىڭداي، مەن مۇنشا باي بولسام دا وزىممەن بىرگە ءبىر شۇلىقتى دا الىپ كەتە المادىم. ەندى قالعانىن ءوزىڭ ويلان...»
muslim.kz