مارك تسۋكەربەرگ قىتاي تىلىندە ەركىن سويلەيتىنىن پاش ەتتى - كەسكىن
سۋكەربەرگ بۇل بەينەجازبا ءۇزىندىسىن Facebook-تاعى ءوزىنىڭ پاراقشاسىنا سالعان.
Facebook-تىڭ نەگىزىن قالاۋشى جانە باس ديرەكتورى 22- قازاندا 30 مينۋتتىق سۇراق-جاۋاپ سەسسياسىنا قاتىستى. سۋكەربەرگ قىتاي ءتىلىنىڭ مانداريندىك ديالەكتىسىندە سويلەدى.
ونىڭ جازباسىنا پىكىر بىلدىرگەن قىتايلىق عالامتور پايدالانۋشىلارى سۋكەربەرگ شىنىمەن دە قىتاي تىلىندە ەركىن سويلەيتىنىن، ءتىپتى ءازىلىنىڭ ءوزى كوڭىلگە قونىمدى ەكەنىن جازادى. مارك سۋكەربەرگ ءوز قالاۋىمەن قىتاي ءتىلىن 2010-جىلدان باستاپ ۇيرەنە باستاعان، دەپ جازدى Mashable.
«قىتاي مادەنيەتىنە دەگەن قىزىعۋشىلىعىم ەرەكشە بولدى، ونى تەرەڭ تانىپ-ءبىلۋ ءۇشىن ءتىلدى ءبىلۋ اسا ماڭىزدى»، - دەيدى ول.
سۋكەربەرگتىڭ ايتۋىنشا، سۇراق-جاۋاپ سەسسياسى بارىسىندا ادامداردى عالامتور جەلىسىنە كوپتەپ تارتۋ، Internet.org جوباسى جانە Facebook-تىڭ دامۋ كەزەڭدەرى تالقىلاندى.
ايتا كەتەيىك، سۋكەربەرگتىڭ جۇبايى پريستسيللا چان امەريكاندىق قىتاي قىزى.