نەگە ەۋروپا مەن امەريكا ەلدەرىنىڭ كاسىپورىندارى قىتاي ەلىندە ورنالاسقان؟
مۇنداي ساۋالعا كوپ ادام جۇمىس كۇشىنىڭ ارزاندىعىنان نەمەسە ۇنەمشىلدىكتەن دەپ ويلاۋى مۇمكىن. الايدا، جۇمىس كۇشى تەك قىتايدا عانا ارزان ەمەس.
قىتاي حالقى - وتە ەڭبەكقور جانە ءتوزىمدى حالىق. قىتاي مەملەكەتىندە كوممۋنيست زامانىنان قالىپ كەتكەن كەي كاسىپورىن باسشى قاراماعىندا جۇمىس ىستەيتىن جۇمىسشىلارىن كۇشتەپ، از تولەماقىعا ساپاسىز دۇنيەلەردى جاساتادى. سوندىقتان قازىرگى تاڭدا نارىقتا جۇرگەن كەي «Made in China» ونىمدەرىنىڭ ساپاسى كوڭىلىمىزگە كۇدىك ۇيالاتادى.
نەلىكتەن قىتاي؟
كەز كەلگەن جوعارى تەحنولوگيالى ءونىم سيرەك كەزدەسەتىن مەتالدان تۇرادى. ال كۇندەلىكتى پايدالانىپ جۇرگەن IPad پلانشەتىندە ونداي مەتالدىڭ 17 ءتۇرى بار. مىسالى، باتارەياعا لانتان، ال ەكى ءبۇيىر جاعىنداعى ماگنيتتى بەكىتۋ ءۇشىن وكسيد سەريا ەلەمەنتى كەرەك.
قىتاي الەمدەگى سيرەك كەزدەسەتىن مەتالدىڭ �-97-ىن جەردەن قازىپ الادى. سونىمەن قاتار قىتاي سيرەك كەزدەسەتىن پايدالى قازبالاردى شيكىزات رەتىندە شەتەلگە ەكسپورتتاۋعا رۇقسات بەرمەگەن. ولار بارلىق مەتالدى دايىن كۇيىندە، ياعني ءونىم تۇرىندە شىعارعان. الەم بويىنشا سيرەك كەزدەسەتىن مەتالدىڭ جالپى ءبىر كۇندىك قاجەتتىلىگى 136 مىڭ توننانى قۇرايدى. ال مۇنداي كورسەتكىشكە ازىرشە قىتاي مەمەلەكەتى عانا قول جەتكىزىپ وتىر.
massaget.kz