«كۋالىكتەر بويىنشا قۇرمەتتى دەپۋتاتتار، سىزدەر ءبىزدىڭ كۋالىكتەردەگى فوتوسۋرەتتەردىڭ كۇڭگىرتتىگى مەن تۇسسىزدىگى جونىندە ەسكەرتۋ جاسادىڭىزدار. ءبىز ءبىر جىل بويى بۇل ماسەلە بويىنشا جۇمىس ىستەدىك: جاڭا جابدىقتار قاجەت بولسا - ساتىپ الدىق، تۇزەتۋ قاجەت بولعان جەرلەرگە وزگەرىس ەنگىزىپ، جاڭا جەكە كۋالىكتەردى جاساپ شىعاردىق.
ول وسى جىلدىڭ 1- جەلتوقسانىنان باستاپ بەرىلەتىن بولادى. باعاسى وزگەرمەيدى. ءتۇستى فوتوگرافيا بولادى، ونىمەن قويماي، گولوگرافيالىق فوتوسۋرەت، ياعني كۋالىك قورعانىشىنىڭ جوعارعى فورماسى بولادى»، - دەدى قاسىموۆ پارلامەنت ماجىلىسىندەگى ۇكىمەت ساعاتىندا.
«جەكە كۋالىكتەن ەلىمىزدىڭ تۋى، ەلتاڭباسى مەن كارتاسى لايىقتى ورىن الدى. ءبىز كۋالىكتىڭ سىرتقى كورىنىسىن بارلىق مەملەكەتتىك ورگانمەن بىرگە تالقىلادىق، 1- جەلتوقساننان باستاپ، ازاماتتارىمىزدىڭ ءتۇرلى-ءتۇستى فوتوسۋرەتى بار جاڭا كۋالىكتەر بەرىلەتىن بولادى»، - دەدى قاسىموۆ.