قىرعىزستان ءبىرجىنىستىلىقتى ناسيحاتتايتىن ازعىندارعا قارسى كۇرەستى باستادى
08:56, 20 - قازان 2014
استانا. قازاقپارات - قىرعىزستاننىڭ وتكەن اپتاداعى ايتۋلى قوعامدىق-ساياسي وقيعالارىنىڭ ءبىرى ءبىرجىنىستىلارعا تولەرانتتى قاراۋدى تاڭىپ وتىرعان باتىستىڭ دەموكراتيالىق ينستيتۋتتارىنا قارسىلىق تانىتقان قوعام بەلسەندىلەرىنىڭ ارەكەتى بولدى.
جاقىندا بىشكەكتەگى تۇنگى كلۋبتاردىڭ بىرىندە جەرگىلىكتى جاستار ەر ادامداردان قۇرالعان ۋكراينالىق «The Kazaky» ءبي توبىنا ءوز «ونەرىن» كورسەتۋگە جول بەرمەدى. 100 گە جاقىن جاستار ءداستۇرلى وتباسى قۇندىلىقتارىن ساقتاۋعا ۇندەپ، ءبىر جىنىستىلاردىڭ ارەكەتىنە اشىق قارسىلىق تانىتتى. قارسىلىق اكسياعا بايلانىستى ەركەك بيشىلەردىڭ كەشىن ۇيىمداستىرۋشىلار ونى توقتاتۋعا ءماجبۇر بولدى.
ايتا كەتۋ كەرەك، بىرنەشە كۇنى بۇرىن قىرعىز رەسپۋبليكاسىنىڭ جوعارى كەنەش دەپۋتاتتارى ا ق ش ەلشىلىگىنىڭ قارسىلىعىنا قاراماستان «گەي-ناسيحاتقا» قارسى زاڭ جوباسىن ءبىرىنشى وقىلىمدا قابىلداعان بولاتىن.