ۇرلانعان ايفونى ءۇشىن قىتايلىق ءوزىن ورتەمەك بولدى
ءبارى مىنادان باستالعان: جۇمىس اۋىسىمى كەزىندە جۇمىسشىلاردىڭ ءبىرىنىڭ جەكە زاتتارىن قويۋعا ارنالعان سورەسىنەن iPhone ۇرلانىپتى. جۇمىسشى كۇزەتشىلەردى ءوز مىندەتتەرىنە نەمقۇرايلى قارايدى دەپ ايىپتاپ، باسشىلىقتان ونىڭ ورنىنا وتەماقى تالاپ ەتكەن. الايدا ونىڭ بۇل تىلەگى ورىندالمادى.
وسىدان كەيىن الگى قىتايلىق جۇمىسشى ۇستىنە بەنزين قۇيىپ، كومپانيانىڭ كۇزەتشىلەرى مەن مەنەدجەرلەرىنىڭ كوزىنشە ءوزىن جاعىپ جىبەرگەن، دەپ حابارلادى Informing.
سول كەزدە وعان ەشكىم كومەككە كەلمەگەن، ءتىپتى جەدەل جاردەم ماشيناسىنا زارداپ شەگۋشىنى جەتكىزۋگە ەشكىم كومەكتەسپەگەن.
وسىنىڭ ءبارى زاۋىت جۇمىسشىلارىنىڭ اشۋىنا ءتيىپ، ولار دا قارسى كوتەرىلىسكە شىقتى. ولاردى باسۋ ءۇشىن پوليتسيا شاقىرىلدى.
ءوزىن-ءوزى جاعىپ جىبەرمەك بولعان قىتايلىق ءوزىنىڭ اينالاسىنداعىلاردى قورقىتپاق بولعانىن، ال شىن مانىسىندە ءوزىن كەزدەيسوق جاققانىن ايتتى.