تۇيە حايۋاناتتار باعىنىڭ يەسىن تاپتاپ ءولتىردى
15:00, 17 - قازان 2014
الماتى. قازاقپارات- مەكسيكادا ىزالانعان تۇيە حايۋاناتتار باعىنىڭ يەسىن تاپتاپ ءولتىردى. جەرگىلىكتى بيلىك وقىس وقيعاعا وراي تەرگەۋدى باستادى.
جانۋار قۇربانىن تاپتاپ قانا قويماي، ونى ۇستىنە جاتىپ العان. قۇتقارۋشىلارعا تۇيەنى ەر ادامنىڭ ۇستىنەن ءتۇسىرۋ ءۇشىن جۇك كولىگىنە بايلانعان ارقان قولدانۋعا تۋرا كەلدى.
Associated Press حابارلاعانداي، قازا تاپقان ريچارد ميلەسكي امەريكالىق چيكاگو قالاسىنىڭ تۋماسى. «تۇيە ونى ولمەشى ەتىپ تاپتاعان، ەر ادام ارەڭ دەم الىپ جاتقاندا، ونىڭ ۇستىنە وتىرىپ الدى، دەدى قۇقىق قورعاۋ ورگانىنىڭ وكىلى. «تۇيەنىڭ استىندا قالعان ەر ادام تۇنشىعىپ، جان تاپسىردى» .
جانۋار نە ءۇشىن ميلەسكيگە تاپ بەرگەنى ازىرگە بەلگىسىز. قۇقىق قورعاۋشىلار بىرنەشە نۇسقانى قاراۋدا. ونىڭ ىشىندە ادەتتە باق يەلەرى ولارعا سىياپات رەتىندە گازدى سۋسىن بەرگەن، وسى جولى ودان قۇر قالعان. شاماسى، تۇيە سوعان ىزالانعان بولۋى كەرەك.