قاراعاندىدا جوعالىپ كەتكەن ءۇش ستۋدەنت الماتىدان تابىلدى

قاراعاندى. قازاقپارات - قاراعاندى وبلىسىنىڭ پوليتسەيلەرى تۋىسقاندارى قىركۇيەكتىڭ سوڭىندا ىزدەۋگە بەرگەن ءۇش جاس قىزدى ۇيلەرىنە قايتاردى، دەپ حابارلادى ءوڭىردىڭ ءى ءى د باسپا ءسوز قىزمەتىنەن.

«قاراعاندى وبلىسى ءى ءى د كريمينالدىق پوليتسيا باسقارماسىنىڭ قىزمەتكەرلەرى «قازپوترەبسويۋز» قاراعاندى ەكونوميكالىق ۋنيۆەرسيتەتىنىڭ جوعالىپ كەتكەن ءۇش ستۋدەنتىن ۇيلەرىنە قايتاردى.

تۋىسقاندارىنىڭ جوعالعان بالالارىن ىزدەستىرۋ تۋرالى ءوتىنىشى قاراعاندى قالاسى ءى ءى ب ورتالىق، وڭتۇستىك-شىعىس، مايحايلوۆسكي پوليتسيا بولىمشەلەرىندە 24-26- قىركۇيەك ارالىعىندا تىركەلدى»، - دەلىنگەن حابارلامادا.

جوعالعاندار - 18- جاستاعى جىگىت، ونىڭ 18 جاستاعى تۋىسقان اپكەسى مەن 15 جاستاعى قۇربىسى.

«ىزدەستىرۋ قازاقستان بويىنشا جۇرگىزىلدى. جەدەل دەرەكتەر بويىنشا جاستاردىڭ الماتىدا جۇرگەندىگى انىقتالدى. كريمنالدىق پوليتسيا قىزمەتكەرلەرى الماتىعا بارىپ، ستۋدەنتتەردى ۇيلەرىنە قايتاردى»، - دەپ ءتۇسىندىردى وبلىستىڭ ءى ءى د باسپا ءسوز قىزمەتىنەن.

ولاردىڭ ۇيلەرىنەن كەتىپ قالۋ سەبەبى انىقتالۋدا.