تۋفلي سۇيگەن نۇرلان ابدۋللين
بۇل پىكىردى بيىلعى جاز ايىندا «بەش» بەينەبايانىنان سوڭ حالىقتىڭ نارازىلىعىنا قاتىستى ءوزىن اقتاۋ ءۇشىن ءانشى نۇرلان ابدۋلليننىڭ ايتقانىن ەل ءالى ۇمىتا قويعان جوق.
اقىرى «قازاقى ەتتى، ۇلتتىق تاعامىمىزدى مازاق ەتتى» دەگەن جۇرتشىلىقتىڭ قارسىلىعىنان كەيىن ابدۋللين تۇسكەن «بەش» اتتى بەينەبايان YouTube-دەن ءوشىرىلدى. الەۋمەتتىك جەلىلەر ارقىلى ەلدىڭ قارسىلىعىن بىلدىرگەن سوڭ اتىشۋلى بەينەباياننىڭ اۆتورى الەكساندر شۋمسكي حالىقتان كەشىرىم سۇرادى.
الايدا «بەشتە» جولى بولماعان ءانشى نۇرلان ابدۋللين تاعى ءبىر جارنامانى قولعا العان سياقتى. قازىر الماتى كوشەلەرىندە KIMEX ونىمدەرىن ماداقتاعان ءانشىنىڭ سۋرەتى ءىلۋلى تۇر.
تۋفليدىڭ وكشەسىن ءسۇيىپ تۇرعان ءانشىنىڭ تۇرىسى جاقسى-اق. ءبىراق ءوزى ايتقانداي، «قاي تۇردە ناسيحاتتاسا دا، ەركى عوي». اتالعان فيرما ءانشىنىڭ تانىمالدىعىن پايدالانعىسى كەلگەن بولار. ءانشى ءسۇيىپ تۇرعان تۋفليدى اياعىڭا كيگىڭ كەلەدى-اق. دەگەنمەن...
ءانشى - حالىقتىڭ ادامى.
جارناماعا تۇسەردە جان-جاعىنداعى جۇرتقا قاراسا ەكەن.
اقشادان ابىروي قىمبات.
ارزانداپ بارا جاتقان جوقپىز با؟
...اياققا ءبىر، ابدۋللينگە ءبىر قارايمىن.
بەرىك بەيسەن ۇلى
«ايقىن»