تاكسيست ايەلدى ءولىمشى ەتىپ ساباعان قوس وقۋشى سوتتالدى

استانا. قازاقپارات - اقتوبە وبلىسىندا تاكسيست كەلىنشەكتى ءولىمشى ەتىپ ساباعان ەكى وقۋشى جازاعا تارتىلدى، دەپ حابارلايدى BNews.kz ءتىلشىسى.

حرومتاۋ قالاسىنداعى ورتا مەكتەپتە وقيتىن 17 جاستاعى ۆاديم بەدەكەر 7 جىلعا جانە گلەب ارتەموۆ 8 جىلعا باس بوستاندىقتارىنان ايىرىلدى. ولار وسىدان جارتى جىل بۇرىن تاكسيگە تاپسىرىس بەرىپ، جولدا جۇرگىزۋشى اقتوتى كولبايەۆانى سوققىعا جىعادى.

باسىن بالعامەن ۇرعىلاپ، ارتىنان گيتارا ىشەگىنىڭ سىمىمەن بۋىندىرعان. قان جوسا بولىپ جاتقان كەلىنشەكتى سول ماڭنان وتكەن جۇمىسشىلار بايقاپ، اۋرۋحاناعا جەتكىزەدى.

سوت وتىرىسى كەزىندە وقۋشىلار كىنالارىن تولىق مويىندادى. ولاردىڭ قورعاۋشىلارى «ايىپتالۋشىلار كومپيۋتەر ويىندارىنا ەلىتىپ كەتكەن» دەپ اقتاماق بولدى. دەگەنمەن، بۇل دالەلدەرى ۇكىمنىڭ جەڭىلدەۋىنە اسەر ەتپەدى.

ەندى ايىپتالۋشى تاراپ سوت ۇكىمىنە قاتىستى اپپەلياتسيالىق شاعىم تۇسىرمەكشى.

اقسۇڭقار ازات