الماتىدا داڭقتى سپورتشى - مۇستافا وزتۇرىك ۇلىقتالدى
تايكۆوندوشىعا ۇلكەن اس بەرىلىپ، قازىر جەتكىنشەكتەر اراسىنداعى ۇلكەن تۋرنير ءوتىپ جاتىر. ال الداعى ايدا ونىڭ 10 جىلدان بەرى جوندەۋ كورمەگەن ەسكى ەسكەرتكىشى جاڭارتىلادى دەپ كۇتىلۋدە.
23- قاراشا - قازاق تايكۆوندوسىنىڭ نەگىزىن قالاعان تۇلعاننىڭ دۇنيەگە كەلگەن كۇنى. كوزى ءتىرى بولعاندا مۇستافا وزتۇرىك بيىل 60 تىڭ اسقارىنا شىعاتىن ەدى.
ول - «تايكۆوندو» دەگەن ونەردى العاش قازاققا تانىتقان تۇلعا. ول - قازاقتىڭ اتىن، داڭقىن تورتكۇل دۇنيەگە پاش ەتكەن سپورتشى. ەڭ باستىسى، ول - ەلىن ساعىنىپ، اتامەكەنىنە ورالعان قازاقتىڭ بالاسى ەدى.
مۇستافا وزتۇرىك 1954 - جىلى تۇركيادا تۋعان. باستاپقىدا جۋرناليست كاسىبىن ارمانداعان ەكەن. ءبىراق وقۋ قۋىپ، تايۆانعا كەلگەن جىگىتتىڭ ءومىرىن شىعىس جەتپە-جەگى وزگەرتكەن.
مۇستافا وزتۇرىك:
- «تە» دەگەن «اياق» دەگەن ءسوز. «ون» دەگەن جۇدىرىق دەگەن. «دو» ەندى ونىڭ ماعىناسى وتە كوپ. سوندا قوسقاندا جۇدىرىقتىڭ، اياقتىڭ، رۋحتىڭ، تاربيەنىڭ جولى!
وسى جەڭىسىنىڭ ءبارىن سپورتشى قازاقستانعا ارناعان. ءسويتىپ، 1990- جىلى ەلگە دە ورالدى. الماتىدا مەكتەپ اشتى، شاكىرت تاربيەلەدى. بۇگىندە وزتۇرىك باستاعان جولدا 11 مىڭ سپورتشى بار. تەك باردى كەزىندە قادىرلەمەدىك. 1995 - جىلى مۇستافا جۇمباق جاعدايدا باقيلىق بولدى.
ءابدۋلنازى ءتايجى، مۇستافا وزتۇرىكتىڭ ءىنىسى:
- اللاعا شۇكىر، اعامىزدى 60 جىلى قارساڭىندا جاسالىنىپ وتىرعان شارالار وتە جاقسى، ماڭىزدى. ءارى جۇرەككە تولىپ جاتىر. قازىر شەتەلدە جۇرگەن قارىنداستارى، اپايلارى رازى.
60 جىلدىقتىڭ الدى سەنبى كۇنى مۇستافا وزتۇرىكتىڭ ءارۋاعىنا باعىشتاپ ۇلكەن استىڭ بەرىلۋىمەن باستالدى. سونداي-اق، جەتكىنشەكتەر اراسىندا تاەكۆوندودان ءتۇرلى تۋرنيرلەر ۇيىمداستىرىلىپ جاتىر. ءدال وسىنداي شارا كەلەر اپتادا استانادا جالعاسادى. ال 23 - قاراشادا اردا ۇلدىڭ قۇرمەتىنە ارنالعان التى الاش ەلىندە ءدۇبىرلى توي وتپەك.
قۇرالاي پيونەر
ktk