ءدىن ماماندارى قىز بالانىڭ ەرتە جاستان تۇرمىس قۇرۋىنا نەگە قارسى؟
ءدىن ماماندارى مەن قوعامدىق بىرلەستىكتەر قىز بالانىڭ ەرتە جاستان تۇرمىس قۇرۋىنا قارسى.
بۇل تۋرالى 365info.kz ايتىنا سىلتەمە جاساپ NUR. KZ حابارلايدى.
قازاقستان ايەلدەرى ليگاسىنىڭ مالىمەتتەرى بويىنشا، ەلىمىزدە جىل سايىن 3000 ەرتە نەكە قيىلادى ەكەن. بۇل تەك رەسمي دەرەك. 15 جاسقا تولماعان قىز بالالاردىڭ 50-60 پايىزى زورلىققا ۇشىرايدى.
جاس قالىڭدىق ىزدەگەندەردىڭ نىساناسىنا 13 جاستان اسقان ەرەسەك قىز بالالار ىلىگەدى.
"امانقۇل اتا" مەشىتىنىڭ باس يمامى تولەپبەرگەن جاقيەۆتىڭ ءسوزى بويىنشا، ەرتە نەكە تەك جاستاردىڭ جانە ولاردىڭ اتا-انالارىنىڭ ىقتيارىمەن قيىلادى، سوندا عانا ول قۇرانعا قايشى كەلمەيدى. سونىمەن قاتار، ونىڭ نانىمى بويىنشا بۇگىندە مۇنداي نەكەلەردىڭ قاجەتى جوق.
"ءبىزدىڭ ايەلدەر فيزيولوگيا جاعىنان ەرتە نەكەگە دايىن ەمەس! ونى الەۋمەتتىك جانە كليماتتىق فاكتورلار كورسەتىپ وتىر. ءيا، تاريحتا قازاقتار قىزدارىن بالعىن شاعىندا ۇزاتقان كەزەڭدەر بولعان. قازاقتار وزدەرىن وسىنداي ەرتە نەكەلەردىڭ ارقاسىندا ۇلت رەتىندە ساقتاپ قالدى دەسە دە بولادى. ول كەزدە جوڭعار، قىتاي، موڭعول، قالماق شاپقىنشىلىقتارى بولدى. بالالار اشتان قىرىلدى، كەيبىرەۋىن قۇلدىققا الىپ كەتتى، ەرلەر سوعىستا قازا تاپتى. ول كەزدە ەرتە نەكە ءومىر قاجەتتىلىگى بولدى، قازىر ونداي قاجەتتىلىك جوق، تۇسىنەسىز بە؟!"، - دەيدى.
بۇل پىكىرمەن ورىس پراۆوسلاۆ شىركەۋىنىڭ قىزمەتشىسى، مەتروپوليالىق وكرۋگ ءدىني كوميسسيانىڭ حاتشىسى سەرافيم كەنيسارين دە تولىق كەلىسەدى.
"بالعىن شاعىنداعى قىز بالالار نەكەگە وتىرۋعا فيزيولوگيا جاعىنىنان دا، پسيحولوگيا تۇرعىسىنان دا دايىن ەمەس. ولاردىڭ بويىندا ءالى ايەلدىك، انالىق، جۇبايلىق قاسيەتتەر قالىپتاسپاعان. ولار ءالى وسى كەزەڭدەردەن ءوتۋ كەرەك"، - دەيدى سەرافيم كەنيسارين.
"قازاقستان ايەلدەر ليگاسى" قوعامدىق بىرلەستىگىنىڭ ءتورايىمى ءاسيا حايرۋللينانىڭ ايتۋىنشا، ەرتە نەكەگە ماجبۇرلەۋ قۇلدىقتىڭ زاماناۋي ءتۇرى ەكەن.
"شىنىن ايتقاندا، جاڭا تۇسكەن كەلىن ءومىرىنىڭ سوڭىنا دەيىن كۇيەۋىنە جانە ونىڭ وتباسىنا تاۋەلدى بولىپ قالادى. كەلىنگە ءبىلىم الۋعا، ماماندىق يگەرۋگە، لايىقتى جۇمىسقا ورنالاسۋعا شەكتەۋ قويىلادى. زارداپ شەگۋشى ايەلدەر ءماجبۇرلى تۇرمىس قۇرۋدى زورلاۋدان كوز اشپاعان سورلى عۇمىر رەتىندە باعالايدى. سوندىقتان، الىپ قاشۋ، كۇشپەن ۇيلەنۋ سەكىلدى جايتتاردىڭ الدىن الۋ كەرەك "، - دەيدى ءاسيا حايرۋللينا.