مەككەگە جاياۋ اتتانعان جەرلەسىمىز قاجىلىق پارىزىن ورىنداپ قايتتى
ەستەرىڭىزگە سالساق، استانا قالاسىنىڭ 47 جاسار تۇرعىنى 6 - شىلدەدە باس قالادان شىققان بولاتىن. ءبىراق اتىراۋعا جەتكەندە قارجىسى تاۋسىلىپ، 1 اپتاداي كىدىرگەن بولاتىن. سول كەزدە جەرگىلىكتى كاسىپكەرلەر ساياحاتشىنىڭ مەككەگە جەتۋىنە قارجى جيناپ بەرگەن ەدى. دۋلات يمانقاجى اتىراۋ ارقىلى ورالىپ، العىس ايتۋعا ۋادە بەرگەن بولاتىن.
ول بۇگىن تاڭەرتەڭ اتىراۋ حالىقارالىق اۋەجايىنا ءتۇسىپ، قاسيەتتى مەكەنگە اياق تيگىزۋگە اتسالىسقان اتىراۋلىقتارعا العىسىن ءبىلدىردى.
اقتاۋ ارقىلى باكۋگە، ودان ءارى يران مەن كۋۆەيت ارقىلى مەككەگە جاياۋ جەتۋدى ويلاعان جەلاياق 7 مىڭ جارىم شاقىرىم جولدىڭ بەس مىڭ شاقىرىمىن جاياۋ ءجۇرىپ وتكەن. قازاقستاننىڭ 5 وبلىسى مەن 4 مەملەكەت ارقىلى ءوتىپ، قىركۇيەكتىڭ 15 ندە ساۋد ارابياسىنا جەتكەن. «مەن سپورتشى رەتىندە وسى مارافون ارقىلى سالاۋاتتى ءومىر سالتى مەن يماندىلىقتى ناسيحاتتاۋ ماقساتىمدى ورىندادىم»، - دەيدى دۋلات يمانقاجى.