رەسپۋبليكا پالۋاندارى بارلىق سالماق ساناتتارىندا التىن مەدالدارعا يە بولدى. ال چەمپيوناتتان كەيىن وتكەن وليمپيادالىق ويىنداردىڭ كۇمىس جۇلدەگەرى، اتاقتى سپورتشى داۋلەت تۇرلىحانوۆتىڭ جۇلدەسى ءۇشىن حالىقارالىق تۋرنيردە 2013-جىلعى «قازاقستان بارىسى» ايبەك نۇعىماروۆ جەڭىمپاز اتاندى.
تارتىستى وتكەن ايقاستا ازيا چەمپيونى اتاقتارىنا قۋات بەكتايەۆ (55 كەلى)، اقزال ارىستانبەكوۆ (60 كەلى) ، نۇرجان جۇماجان (70 كەلى)، بەگىمحان ادىلبەكوۆ (80 كەلى)، توقتار جيەنتايەۆ (90 كەلى)، ايبات سەيتەن ( 90) يەلەندى. ال ايەلدەر اراسىندا العاشقى ازيا چەمپيونى اتاعىنا زارينا بايباتينا ( 75) يە بولدى.
بۇدان كەيىن وتكەن داۋلەت تۇرلىحانوۆتىڭ جۇلدەسى ءۇشىن وتكەن حالىقارالىق تۋرنيردە ابسوليۋتتى سالماق ساناتىندا «قازاقستان بارىسى-2013» ايبەك نۇعىماروۆ جەڭىسكە جەتىپ، باس جۇلدە - اۆتوموبيلگە يە بولدى.
- سوڭعى جىلدارى ءبىزدىڭ ۇلتتىق سپورت ويىندارىمىز كۇشتى دامىپ كەلەدى، وعان سەمەي قالاسىندا قازاقشا كۇرەستەن Х ازيا چەمپيوناتى ءوتۋى دالەل. وعان 17 ەلدەن وكىلدەر قاتىستى. شىعىس قازاقستان وبلىسىنىڭ تۋماسى رەتىندە مەنى ىنىلەرىم-پالۋاندار «قازاقستان بارىسى» اتانعان ايبەك نۇعىماروۆ پەن مۇحيت تۇرسىنوۆتىڭ تابىستارى قۋانتادى. جىل اسقان سايىن رەسپۋبليكادا سپورتتىڭ وسى تۇرىمەن اينالىساتىن پالۋاندار قاتارى ءوسىپ كەلە جاتقانىن اتاپ وتكىم كەلەدى، - دەپ پىكىرىمەن ءبولىستى داۋلەت تۇرلىحانوۆ.
قازاقشا كۇرەستەن Х ازيا چەمپيوناتىنا 17 ەلدەن - اۋعانستان، بانگلادەش، ليۆان، موڭعوليا، يوردانيا، يران، يراك، ءۇندىستان، قىرعىزستان، قىتاي، يەمەن، پاكىستان، قازاقستان، سيريا، تاجىكستان، تۇرىكمەنستان، وزبەكستان، شري-لانكا جانە رەسەي ەلدەرىنەن 120 سپورتشى قاتىستى.
قازاق كۇرەسىنەن ازيا چەمپيوناتى سپورتتىڭ وسى ءتۇرىن حالىقارالىق دەڭگەيدە ودان ءارى ناسيحاتتاۋ ماقساتىندا وتكىزىلدى.
سەمەيدەگى قازاق كۇرەسىنەن ازيا چەمپيوناتىن وتكىزۋدى ۇيىمداستىرۋشىلار - ق ر مادەنيەت جانە سپورت مينيسترلىگى، ق ر قازاق كۇرەسى فەدەراتسياسى، شىعىس قازاقستان وبلىسىنىڭ اكىمدىگى، ش ق و دەنەشىنىقتىرۋ جانە سپورت باسقارماسى جانە سەمەي قالاسىنىڭ اكىمدىگى بولدى.