قۇربان ايت مەرەكەسى مەيىرباندىلىقتىڭ جوعارى قۇندىلىقتارىن ناسيحاتتايدى - س ق و اكىمى ە. سۇلتانوۆ - فوتو
13:14, 05 - قازان 2014
پەتروپاۆل. قازاقپارات - كەشە پەتروپاۆلدا مىڭداعان مۇسىلماندار قۇربان ايت مەرەكەسىنىڭ قۇرمەتىنە وراي قالاداعى باس مەشىت - « قىزىلجاردا» باس قوستى. سولتۇستىك قازاقستاندىقتاردى ۇلىق مەرەكەلەرىمەن ءوڭىر باسشىسى ەرىك سۇلتانوۆ قۇتتىقتادى،
دەپ حابارلايدى وبلىس اكىمىنىڭ باسپا ءسوز قىزمەتىنەن.
«ءار مۇسىلمان ءۇشىن ماڭىزدى بولىپ تابىلاتىن قۇربان ايت مەرەكەسى مەيىرىمدىلىك پەن ادىلدىكتىڭ، مەيىرباندىلىقتىڭ جوعارى قۇندىلىقتارىن ناسيحاتتايدى. ول رۋحاني تازارۋ مەن ادامگەرشىلىك تۇرعىدان جاقسارۋدى ءبىلدىرىپ، قوعامداعى بىرلىگىمىزدىڭ نىعايۋىنا ىقپال ەتەدى. بۇگىن ەل پرەزيدەنتى ن. نازاربايەۆتىڭ ساليقالى ساياساتىنىڭ ارقاسىندا بىزگە بەيبىتشىلىك پەن كەلىسىم ۇستەمدىك قۇرعان مىقتى ءارى يگىلىكتى مەملەكەت قۇرۋ مۇمكىن بولدى. ەندىگى ورتاق مىندەتىمىز - وسى ماڭىزدى قۇندىلىقتارىمىزدى ساقتاپ، ودان ءارى كوبەيتۋ. ىزگى مەرەكە قۇربان ايت بولاشاقتا دا قوعامىمىزدا ءوزارا تۇسىنىستىك پەن بىرلىكتىڭ نىعايۋىنا ءوز سەپتىگىن تيگىزە بەرەدى دەپ سەنەمىن» ، - دەدى ەرىك سۇلتانوۆ كوپشىلىك الدىندا سويلەگەن سوزىندە.