پرەزيدەنت مەملەكەتتىك سانا- سەزىم نىعايۋى ءۇشىن تاريحتى ەسكە سالدى - ءماجىلىس دەپۋتاتى ك. بۇرحانوۆ
بۇل پىكىردى قازاقپارات تىلشىسىنە ق ر پارلامەنتى ءماجىلىسىنىڭ دەپۋتاتى، تاريحشى عالىم كامال بۇرحانوۆ ءبىلدىردى.
«وتان وتباسىنان باستالادى. وتان ءسوزىنىڭ ءمان- ماعىناسى تەرەڭدە جاتىر. وتانشىل ادام ەڭ الدىمەن مەملەكەتشىل بولادى. وكىنىشكە وراي، بىزدە كەڭەستىك كەزەڭ بويىندا مەملەكەتتىك ويلاۋ، مەملەكەتتىك تۇسىنىك ءبىرشاما قاساڭ بولعانى بار. ال بۇگىندە قازاقستاننىڭ ءاربىر ازاماتى مەملەكەتشىل، ءوز وتانىنىڭ پاتريوتى بولۋ مىندەتى جۇكتەلىپ وتىر» ، - دەدى ول.
ونىڭ پايىمىنشا، ەلباسى ۇلىتاۋ باۋرايىندا بەرگەن سۇحباتىندا قازاقستاندىقتاردىڭ ەسىنە ءبىزدىڭ حالقىمىزدىڭ تاريحىنا قاتىستى ءبىرقاتار جايتتاردى ەسكە سالدى. ويتكەنى، ءدال قازىرگى ۋاقىتتا تاريحي تانىمدى قايتا ورلەتۋ مىندەتى باستى مىندەت بولىپ تۇر. سەبەبى كەڭەس زامانىندا قازاقستان تاريحىنا اسا كوڭىل بولىنە قويعان جوق، تەك توڭكەرىستەن كەيىنگى تاريحىمىز عانا وقىتىلدى.
«قازاقتار ەش ۋاقىتتا دا ۇلىتاۋدىڭ گيمالاي سىندى بيىك بولماسا دا ونىڭ باۋرايىندى ۇلى ىستەر اتقارىلعان ۇلى تاۋ ەكەندىگىن ەستەن شىعارعان ەمەس. ول جەردە. ۇلى دالانىڭ بەدەلدى ادامدارى جينالىپ، حانداردى سايلاعان، قۇرىلتاي وتكىزگەن، بۇكىل قازاق مەملەكەتى ءۇشىن بارىنشا ماڭىزدى كوپتەگەن ماسەلەلەر ءوز شەشىمىن تاپقان» ، - دەدى ءماجىلىس دەپۋتاتى.
اۆتور: مارلان جيەمباي