ەلباسى ۇلىتاۋ تورىنەن تۋرا جول نۇسقادى - ن. سەرتەكوۆ، ب ق و

ورال. قازاقپارات - ەلباسىنىڭ ءار ءسوزى حالىق جۇرەگىنە جەتىپ كەلەدى. وعان ۇلىتاۋ تورىندەگى تەرەڭ سىرلى سۇحباتى دالەل. وندا پرەزيدەنت ەلىمىزدەگى ءتۇيىندى ماسەلەلەردىڭ قىر-سىرىنا ۇڭىلۋگە تۋرا جول نۇسقادى.

بۇل تۋرالى قۇرمانعازى اتىنداعى مۋزىكا كوللەجىنىڭ ديرەكتورى، دومبىراشى نۇرجان سەرتەكوۆ ءمالىم ەتتى.

ونىڭ ايتۋىنشا، اتالمىش تولعانىس مەملەكەتشىلدىك جونىندە بارشاعا ارنالعان ءدارىس ىسپەتتەس. ەلباسىنىڭ سول قاسيەتتى جەردە تابان تىرەي تۇرىپ، ماڭگىلىك ەل تۋرالى ايتقانىندا ءبىر ساباقتاستىق، جالعاستىق جاتىر. اسىرەسە، ءتىل، ءدىن جونىندەگى ويلارى تەرەڭنەن تامىر تارتتى. دىندەگى كەلەڭسىز جايتتار ورىندى قوزعالدى. ال ءتىل ماسەلەسى جونىندە وتە عاجاپ ۇعىمدار بار. ءبىزدىڭ ەل - كوپ ۇلتتى حالىق. پرەزيدەنتىمىز ءۇش تىلدىلىك تۋرالى قونىمدى ويلار ايتتى.

«حالقىمىزعا ونەر مەن عىلىمنىڭ بارلىعى دا ءتىل ارقىلى كەلەدى. نۇرسۇلتان ءابىش ۇلى: «قازاقتىڭ كوپ دۇنيەلەرى اتادان بالاعا اۋىزەكى تۇردە بەرىلىپ كەلگەن»، - دەدى. قازاقتىڭ تاريحى نەگىزىنەن ءتىل ارقىلى بۇگىنگە جەتتى. ءتىلدى باعالاماساق، ول جوعالار، ودان كەيىنگى حالىقتا وزگەگە ءسىڭىپ جوق بولادى. ال ەلباسى ايتقانداي، تەك تىلىمىزبەن تۇيىقتالىپ قالساق، وندا زاماننىڭ اعىنىنا، وركەنيەتتىڭ كوشىنە ىلەسە المايمىز. سونىڭ ىشىندە سان سالالى ونەردى جان-جاقتى دامىتۋ قاجەتتىگىنە ەشكىم كۇمان كەلتىرمەسە كەرەك. قازىرگى ۇرپاق ءداستۇرلى ءان-كۇي، بيمەن قاتار كلاسسيكالىق دۇنيەلەردى دە يگەرە ءبىلۋى ءتيىس. ەلىمىز تاۋەلسىزدىك العاننان بەرى ەلوردادان باستاپ وزگە دە قالالارىمىزدا قانشاما ونەر سارايلارى سالىنىپ جاتىر. سونىڭ ءبارى بۇگىنگى ۇرپاق ءۇشىن. ەندەشە، قازاقستان قاي جاعىنان دا مىقتى بولۋى ءۇشىن وعان اركىم ءوز ۇلەسىن قوسا ءبىلۋى كەرەك»  دەدى ن. سەرتەكوۆ.

اۆتور: ەلجان ەرالى