ەلباسىنىڭ وڭ ساياساتى ارقاسىندا قازاق ءتىلى جاڭا دەڭگەيگە كوتەرىلدى - جازۋشى ك. يۋسۋپ
بۇل پىكىردى قازاقپارات تىلشىسىنە جازۋشى، اۋدارماشى، بەلگىلى قوعام قايراتكەرى كەڭەس يۋسۋپ ەلباسىنىڭ ۇلىتاۋداعى سۇحباتىنا وراي ءبىلدىردى.
«مەنىڭ ويىمشا، ەلباسى و باستان ءتىلدى دامىتۋ جونىندە دۇرىس باعىت ۇستادى. ءبىزدىڭ گەوساياسي جاعدايىمىزعا، گەوگرافيالىق ورنالاسۋىمىزعا، حالىقىمىزدىڭ دەموگرافياسىنا بايلانىستى ەلىمىزدە تاۋەلسىزدىك العان ساتتەن باستاپ بىردەن مەملەكەتتىك تىلدە سويلەۋ مۇمكىن ەمەس بولاتىن. مەملەكەتتىك ءتىلدى بىرتىندەپ- بىرتىندەپ، بۇگىندە ۇلكەن دەڭگەيگە كوتەردىك دەپ ايتا الامىن» ، - دەدى ول.
قالامگەردىڭ اتاپ وتۋىنشە، قازاقستان كوشباسشىسىنىڭ تىلگە قاتىستى ۇستانعان سول كەزەڭدەگى ساياساتى قازاق قوعامى ءۇشىن تۇسىنىكسىزدەۋ بولعان. ال بۇگىندە ول ساياساتتىڭ دۇرىستىعىن ءومىر دالەلدەپ وتىر.
«سونىڭ ناتيجەسىندە بۇگىندە ءبىزدىڭ ءتىلىمىز اجەپتاۋىر جەتىلدى. قازاق ءتىلى جاڭا دەڭگەيگە كوتەرىلدى. قازاق ءتىلى الەمدىك تىلدەردى ءوزىنىڭ انا تىلىندە سويلەتە الاتىن تىلگە اينالىپ كەلەدى. اللا قالاسا، انا ءتىلىمىزدىڭ بولاشاعى، كەلەشەگى زور دەپ ويلايمىن» ، - دەپ تۇيىندەدى ويىن ك. يۋسۋپ.
اۆتور: مارلان جيەمباي