ايىرىلىسقان ايەلى جاڭا تەلەفون سىيلاعان سوڭ قايتىپ كەلگەن

استانا. قازاقپارات - Apple جابدىقتارىنا اۋەس جاندار جاڭا iPhone-دى ەكرانىنىڭ ۇلكەندىگىنەن، كامەراسىنىڭ ساپاسى جانە جاڭا iPhone 6 بولعاسىن ساتىپ العىسى كەلگەن.

الايدا داريس ۆلودارسكي iPhone ءۇشىن كەزەكتە 44 ساعات بويى بۇل ماقساتپەن تۇرمادى. داريس ايتقانداي، ول 20 جىل بىرگە تۇرعان ايەلىن قايتارۋ ءۇشىن بۇل ارەكەتكە بارعان. بۇل تۋرالى شەتەلدىك ب ا ق حابارلادى.

داريس جانە ونىڭ جارى قاتتى ۇرسىسىپ، 1 اي بۇرىن ايىرىلىسقان. داريس جاعدايدى وڭالتۋ ءۇشىن ايەلىنە جاڭا iPhone ساتىپ الىپ بەرۋگە بەل بۋعان.

«وعان ونىڭ ءبىرىنشى iPhone-نىن ساتىپ بەرگەندە، ول سونداي باقىتتى ەدى. سوڭعى كەزدەرى ەكرانى ۇلكەن سمارتفون العىسى كەپ جۇرگەن. وسى سەبەپپەن iPhone-عا قول جەتكىزۋ ءۇشىن كەزەككە تۇردىم. 20 جىل ءبىر شاڭىراقتا تۇرعان جارىمدى جوعالتقىم كەلمەيدى»، - دەدى داريس.

ايتا كەتۋ كەرەك، ءداريستىڭ مۇنداي ارەكەتىنەن كەيىن ايەلى ۇيىنە قايتا ورالعان.