قىتاي باسشىسى شي جينپيننىڭ تەگىن ريم سانىنا تەڭەگەن جاڭالىق جۇرگىزۋشىسى جۇمىستان قۋىلدى

استانا. قازاقپارات - ءۇندىستاندا ق ح ر ءتوراعاسى شي جينپيننىڭ (Xi Jinping) تەگىن XI ريم سانىنا تەڭەگەن جاڭالىقتاردىڭ جۇرگىزۋشىسى جۇمىستان شىعارىلدى.

وسىلايشا ونىڭ قاتەلەسىپ كەتۋى سالدارىنان شي جينپين - «ون ءبىرىنشى» جينپين بولىپ شىعا كەلگەن.

وقيعا Doordarshan News ارناسىنىڭ ەفيرىندە ورىن العان. «DD News جۇرگىزۋشىسى بۇل ولقىلىعى ءۇشىن جۇمىستان شىعارىلدى»، - دەپ جازىلدى ارنانىڭ Twitterدەگى پاراقشاسىندا.

Reuters حابارلاعانداي، Doordarshan News وكىلى جۇرگىزۋشى ورەسكەل قاتە جىبەرگەندىكتەن، بىرنەشە ايعا ەفيردەن جاڭالىقتى وقۋدان شەتتەتىلگەنىن ايتقان. سونداي-اق ول جۇرگىزۋشى ۋاقىتشا جۇمىس ىستەگەنىن حابارلادى.

شي جينپين ءۇندىستانعا رەسمي ساپارمەن 17- قىركۇيەكتە، ءۇندىستان پرەمەر-ءمينيسترى نارەندرا مودي 64 جىلدىعىن تويلاپ جاتقان شاقتا كەلگەن.