شوتلانديا ۇكىمەتىنىڭ باسشىسى قىزىمەتىنەن كەتتى
19:18, 20 - قىركۇيەك 2014
استانا. قازاقپارات - شوتلانديانىڭ ۇلى بريتانيادان ءبولىنۋ ناۋقانىنا باسشىلىق جاساعان ەلدىڭ ءبىرىنشى ءمينيسترى الەكس سالموند وتستاۆكاعا كەتەتىندىگىن جاريا ەتتى، دەپ حابارلادى شەتەلدىك ب ا ق.
ونىڭ اتاپ وتۋىنشە، ۇكىمەتتەگى جۇمىسى ومىرىندەگى ەڭ قۇرمەتتى قىزمەتتەردىڭ ءبىرى بولعان. سونىمەن قاتار ول رەفەرەندۋمعا حالىقتىڭ بارىنشا كوپ قاتىسقاندىعىن ءارى ول بۇكىل الەمدەگى جوعارى دەڭگەيدە وتكىزىلگەن شارا بولعاندىعىن باسا ايتقان.
ايتا كەتەرلىگى، ءسال ەرتەرەك سالموند جەڭىلىسكە ۇشىراعاندىعىن مويىنداپ، تاۋەلسىزدىك ءۇشىن داۋىس بەرگەن 1,6 ميلليون ازاماتقا العىسىن بىلدىرگەن ەدى.
جالپى، ەلدىڭ ۇلى بريتانيادان ءبولىنىپ شىعۋىن داندي قالاسى تۇرعىندارىنىڭ 57,35 پايىزى قولداعان ەدى. ال شوتلانديا استاناسى ەدينبۋرگ قالاسىنىڭ تۇرعىندارى بولىنۋگە قارسى شىققان بولاتىن.