ا ق ش- تا ايەلگە ءولىم جازاسى ورىندالدى
ۇكىم ورىندالاتىن كۇنى ا ق ش جوعارعى سوتى كوۋلماننىڭ جازاسىن جەڭىلدەتۋ تۋرالى ءوتىنىشىن قاناعاتتاندىرماي تاستاعان ەدى.
2004 - جىلى شىلدە ايىندا پوليسەيلەر كوۋلماننىڭ ۇيىنەن ونىڭ قۇربىسىنىڭ توعىز جاسار ۇلىنىڭ جانسىز دەنەسىن تاۋىپ العان ەدى. دارىگەرلەر جان تاپسىرار الدىندا سالماعى نەبارى 17 كيلوگرام بولعان بالانىڭ اجالىنا اشتىق پەن وكپە قابىنۋى سەبەپ بولعان دەگەن تۇجىرىم جاساعان. بالانىڭ دەنەسىنەن 250 دەن اسا جاراقات، سونىڭ اراسىندا تەمەكى شوعىن باسىپ ازاپتاۋ ىزدەرى تابىلعان.كوۋلمان - بيىل جىل باسىنان بەرى تەحاستا ادام ولتىرگەن قىلمىستارى ءۇشىن سوت ۇكىمىمەن ءولىم جازاسى ورىندالعان 9 ادامنىڭ اراسىنداعى ەكىنشى ايەل.
الەمدە دامىعان ەلدەر اراسىندا ا ق ش پەن جاپونيا عانا اۋىر قىلمىس جاساعاندارعا ءولىم جازالارىن قولدانۋدى جالعاستىرىپ كەلەدى.
ايتا كەتەيىك، بۇل تەحاستا جىل باسىنان بەرى جۇزەگە اسىرىلعان 8-ءولىم جازاسى.
ءولىم جازاسىنا كەسىلگەن ادام وسىنداي توسەككە تاڭىلىپ، اعزاسىنا ارنايى سۇيىق زات جىبەرىلەدى.