ەڭ الىپ دينوزاۆردىڭ تولىق ساقتالعان سۇيەگى تابىلدى

استانا. قازاقپارات- پالەونتولوگتاردىڭ حالىقارالىق توبى جۋىردا بۇرىن- سوڭدى بولماعان تولاعاي تابىسقا قول جەتكىزدى. پالەونتولوگيا تاريحىندا تۇڭعىش رەت بارلىق سۇيەك قاڭقاسى ءدىن امان ساقتالعان الەمدەگى ەڭ الىپ جانۋاردىڭ سۇيەك قاڭقاسى ارگەنتينادان تابىلدى، دەپ جازادى islam.kz.

مەزوزوي داۋىرىندە تىرشىلىك ەتكەن الىپ جانۋار Dreadnoughtus schrani نەمەسە جاي عانا درەدنوۋت دەپ اتالادى. سالماعى 65 تونناعا جەتەتىن الىپ جانۋاردىڭ بيىكتىگى: ەكى قاباتتى ۇيمەن تەڭ كەلەدى. ۇزىندىعى - 30 مەتر.

 وسىدان 77 ميلليون جىل بۇرىن تىرشىلىك ەتكەن. عالىمدار ونىڭ اجالى جەتىپ ولگەنگە دەيىن وسكەنىن توقتاتپاعانىن انىقتادى. ەگەر اجالى كەلىپ ولمەگەندە بۇدان دا ۇلكەن بولاتىنىنا كۇمان جوق. عالىمداردىڭ ايتۋىنشا، الىپ جانۋاردىڭ سۇيەك قاڭقاسىنىڭ ءدىن امان ساقتالۋىنا توتەنشە اپاتتان بىردەن توپىراقتىڭ استىندا قالۋى سەبەپ بولسا كەرەك. ياعني، كومىلىپ قالعان.