كۋۆەيت ءامىرى ب ۇ ۇ - نىڭ ماراپاتىنا يە بولدى
00:14, 17 - قىركۇيەك 2014
استانا. قازاقپارات - ب ۇ ۇ- نىڭ باس حاتشىسى پان گي- مۋن كۋۆەيت امىرلىگىنىڭ كورولى شەيح ساباح ءال- احماد ءال- ءجابير اس- ساباحقا «گۋمانيتارلىق كوشباسشى» اتاعىمەن ماراپاتتاپ، قۇرمەت تانىتتى، دەپ حابارلادى www.muslim.kz .
سيريالىق بوسقىندارعا بىرنەشە مارتە ءىرى كولەمدە كومەك كورسەتكەن كۋۆەيت كورولىنىڭ بۇل اتاقتى يەلەنۋى دە زاڭدى.
سوڭعى ەكى جىلدىڭ وزىندە كورولدىك اۋماعىندا سيريالىقتارعا قايىرىمدىلىق كومەك كورسەتۋگە باعىتتالعان ەكى ءىرى كونفەرەنتسيا ۇيىمداستىرىلىپ، 3,5 ميلليارد دوللار قاراجات جينالعان بولاتىن.
كۋۆەيت ءامىرىنىڭ حالىقارالىق ماراپاتقا يە بولىپ، مەرەيى وسكەن قۋانىشىمەن امەريكا قۇراما شتاتتارى دا ورتاقتاسىپ، تىلەكتەستىك ءبىلدىردى.
«سيريادا بولعان قاقتىعىستاردان جاپا شەككەن بوسقىندارعا ءىرى كولەمدە قايىرىمدىلىق شارالارىن ۇيىمداستىرىپ، كومەك قولىن سوزعان كۋۆەيت حالقى مەن امىرىنە بۇل ماراپات ابدەن لايىق» ، - دەپ مالىمدەدى ا ق ش- نىڭ مەملەكەتتىك ىستەرى جونىندەگى وكىلى مەري حارف.