ۆەلوسيپەدشى قىزداردىڭ فوتوسى جانجال تۋعىزدى
19:05, 16 - قىركۇيەك 2014
استانا. قازاقپارات - حالىقارالىق ۆەلوسيپەدشىلەر وداعىنىڭ پرەزيدەنتى براين كۋكسون كولۋمبيا ۆەلوسيپەدشى قىزدارىنىڭ سپورتتىق كيىمىنە كەيىستىك ءبىلدىرىپ، ونى «جاتقىلىقتى» دەپ اتادى.
بي- بي- سي- ءدىڭ جازۋىنشا، كولۋمبيانىڭ ۆەلوسيپەد سپورتىنان قىزدار كومانداسىنىڭ فوتوسۋرەتى بۇكىل الەمدە ءارتۇرلى پىكىر تۋعىزدى - بىرەۋلەر كەيىستىك بىلدىرسە، ەندى بىرەۋلەرگە قىزىقتى بولىپ كورىندى.
بۇعان كولۋمبيالىقتاردىڭ كوستيۋمىنىڭ دەنەسىمەن تۇستەس ماتەريالدان تىگىلۋى سەبەپ بولدى، سوندىقتان فوتوسۋرەت ولاردىڭ بەلىنەن تىزەسىنە دەيىن مۇلدەم جالاڭاش جۇرگەندەي اسەر قالدىرادى.
كولۋمبيالىق ۆەلوسيپەدشىلەر ليگاسى ماتەريال التىن ءتۇستى جىپپەن تىگىلگەنىن، ونىڭ سۋرەتتەن ءجوندى كورىنبەي تۇرعانىن ايتىپ، اقتالۋدا. سونداي- اق كولۋمبيالىقتار الەم جۇرتشىلىعى ولاردىڭ سپورتشىلارىنا ەندى عانا نازار اۋدارا باستاعاندارىنا تاڭعالادى، ويتكەنى ولار بۇل كيىمدى ءبىر جىلعا جۋىق ۋاقىت بويى كيىپ جۇرگەن كورىنەدى.