ستاتيستيكا كوميتەتى قازاقستان حالقىنىڭ ناقتى قانشا بولعانىن ايتتى

 بۇل دەرەكتەردى بۇگىن وتكەن بريفينگتە ق ر ۇلتتىق ەكونوميكا مينيسترلىگى ستاتيستيكا كوميتەتىنىڭ ءتوراعاسى ءاليحان سمايىلوۆ كەلتىردى.

 ونىڭ مالىمەتىنشە، 2014 - جىلعى قاڭتار- شىلدەدە جالپى ەلىمىزدە حالىق سانى 147,9 مىڭ ادامعا نەمەسە 0,9 پايىزعا ءوستى، 2013 - جىلعى 1- تامىزبەن سالىستىرعاندا حالىق سانى 255,2 مىڭ ادامعا نەمەسە 1,5 پايىزعا وسكەن.

 «ا ح ا ت ورگاندارى ۇسىنعان ازاماتتىق حال اكتىلەرىن تىركەۋ جازبالارىنداعى مالىمەتتەردى وڭدەۋ ناتيجەسىندە، 2014 - جىلعى قاڭتار- شىلدە ايلارىندا تۋىلعان بالالار سانى 231,4 مىڭدى قۇراپ، 2013 - جىلعى وسى كەزەڭگە قاراعاندا 4,4 مىڭعا نەمەسە 1,9 پايىزعا ارتتى. تۋۋدىڭ جالپى كوەففيتسيەنتى 1000 ادامعا 23,04 تۋىلعانداردى قۇرادى» ، - دەپ اتاپ ءوتتى ءا. سمايىلوۆ.

 ءتوراعانىڭ ايتۋىنشا، قاراستىرىلىپ وتىرعان كەزەڭدە قايتىس بولعاندار سانى 78,6 مىڭ ادامدى قۇراپ، 2013 - جىلعى قاڭتار- شىلدەگە قاراعاندا 4 مىڭ ادامعا نەمەسە 4,8 پايىزعا ازايعان.

اۆتور: ءابۋ- اسقار مەكەش ۇلى