پوليتسيا اعاشتاردىڭ اراسىندا جۇرگەن جابايى بالا تۋرالى بەينەجازبانىڭ ءتۇپنۇسقاسىن انىقتاۋدا
20:31, 13 - قىركۇيەك 2014
استانا. قازاقپارات - بۇگىن عالامتورداعى الەۋمەتتىك جەلىلەردە اتىراۋ وبلىسىنان دەگەن مەكەنجايمەن اعاشتاردىڭ اراسىندا جۇرگەن جابايى بالا تۋرالى بەينەجازبا جاريالانعان.
ول جازبادا اعاشتار اراسىندا ادامدار لاقتىرعان المانى قۇددى مايمىل قۇساپ سەكىرىپ تەرىپ جەپ جۇرگەن 9-10 جاس شاماسىنداعى جارتىلاي جالاڭاش ەر بالا كورسەتىلگەن.
بۇل كورىنىس ەلدى ەلەڭ ەتكىزىپ، جەر- جاھانعا جايىلىپ ۇلگەردى. الايدا بۇل جازبا شىندىققا جاناسا ما، الدە ادەيى تۇسىرىلگەن الدەكىمنىڭ ءازىلى مە؟ ازىرگە ول جاعى بەلگىسىز. قازىر بۇل بەينەكورىنىستىڭ انىق- قانىعىمەن پوليتسيا اينالىسۋدا.
گۇلنازيرا مۇحتاروۆا، وبلىستىق ءى ءى د باسپا ءسوز قىزمەتىنىڭ جەتەكشىسى:
- قازىرگى ۋاقىتتا اتىراۋ وبلىسى ءى ءى د وسى بەينەجازبا بويىنشا تەكسەرىستەر، سونىمەن قاتار وقيعا ورنىن انىقتاۋ جۇمىستارى جان- جاقتى جۇرگىزىلۋدە. بۇل باعىتتاعى جۇمىستارعا ۋچاسكەلىك پوليتسيا ينسپەتكورلارى مەن كامەلەتكە تولماعاندار ءىسى جونىندەگى پوليتسيا ينسپەكتورلارى اتسالىسۋدا.
www.24.kz