قىرعىز دەپۋتاتى ەل اتاۋىن وزگەرتۋدى ۇسىندى
11:01, 13 - قىركۇيەك 2014
استانا. قازاقپارات - قىرعىزستان پارلامەنتى - جوگوركۋ كەنەشتىڭ دەپۋتاتى فەليكس كۋلوۆ مەملەكەت اتاۋىن قىرعىز ەلى نەمەسە قىرعىز رەسپۋبليكاسى دەپ وزگەرتۋدى ۇسىندى.
ازاتتىقتىڭ قىرعىز قىزمەتىنىڭ حابارلاۋىنشا، پارلامەنت وتىرىسىندا سويلەگەن كۋلوۆ بۇل ماسەلە بويىنشا رەفەرەندۋم وتكىزۋگە شاقىرعان.
«ار- نامىس» فراكسياسىنىڭ جەتەكشىسى فەليكس كۋلوۆ رەفەرەندۋمدا داۋىسقا سالۋعا شاقىرعان وزگە ۇسىنىستاردىڭ اراسىندا وقۋ جىلىن 1- قىركۇيەكتەن 15 - قىركۇيەككە اۋىستىرۋ، جوعارعى سوت پرەزيديۋمىن قۇرىپ، پارلامەنت دەپۋتاتتارىنىڭ وكىلەتتىگىن توقتاتۋ ماسەلەسى دە بار.
كۋلوۆ بۇل ماسەلەلەردىڭ قوعامدا جانە پارلامەنتتە بىرنەشە رەت كوتەرىلگەنىن ايتادى.
«ازاتتىق»