اعاسىنا قوناققا بارامىن دەپ، ازاپقا باتتى - ب ق و
ءىس ماتەريالدارىندا كورسەتىلگەن انىقتاما بويىنشا، قازتالوۆ اۋدانى جاڭاتاڭ اۋىلىنىڭ تۇرعىنى الەكساندروۆ-گاي اۋىلىندا تۇراتىن اعاسىنا بارماقشى بولىپ، جاڭاتاڭ - الەكساندروۆ-گاي تاس جولى ارقىلى ەكى ەلدىڭ شەكاراسىنان زاڭسىز وتكەن.
اعاسىنىڭ ۇيىنە جەتكەنىمەن، بىرنەشە كۇننەن كەيىن، رەسەي شەكارا قىزمەتكەرلەرى «قۇجاتسىز شەكارادان ءوتتىڭ» دەگەن ايىپپەن ونى شەكارا پۋنكتىنە الىپ كەتكەن. كەلىپ جەتكەن رەسەي فەدەراتسياسىنىڭ پوليتسيا قىزمەتكەرلەرى ونى التى اي قاماۋعا العان. كەيىن قاماۋدان بوساعاننان كەيىن، ول تاعى دا رەسەي-قازاقستان شەكاراسىن زاڭسىز ءوتىپ ەلگە ورالعان. ءبىراق، ول قازاقستاندا دا جاۋاپكەرشىلىكە تارتىلدى.
قازتالوۆ اۋداندىق سوتىنىڭ ۇكىمىمەن ول ق ر قىلمىستىق كودەكسىنىڭ 330-بابىنىڭ 1-بولىگىمەن ايىپتى دەپ تانىلىپ، باس بوستاندىعىنان ايىرۋ جازاسى شارتتى دەپ سانالىپ، 1 جىل سىناق مەرزىمى تاعايىندالدى.