«قالانىڭ فەستيۆال الاڭىندا قۇرىلعان «قازاق ۇيىندە» قازاق حالقىنىڭ اتا- بابا سالت- ءداستۇرى مەن ادەت- عۇرپىنان كورىنىستەر بەرەتىن جادىگەرلەر، ۇلتتىق كوستيۋمدەر جانە باسپا ونىمدەر قويىلدى. كەلۋشىلەر نازارىنا ەلشىلىك ۇجىمى شىعارعان قازاق جانە تۇرىك تىلدەرىندەگى كىتاپتار ۇسىنىلىپ، سىيعا تارتىلدى. «قازاق ۇيىمەن» تانىسۋعا كەلگەن انكارا قالاسىنىڭ تۇرعىندارى قازاقستان تۋرالى اقپارات الۋدا زور قىزىعۋشىلىقتارىن تانىتتى.
سونىمەن قاتار، «كوروعلى» ، «ءالقيسسا» كۇيلەرىن، «ەلىم مەنىڭ» ، «قۇرالاي» اندەرىن جانە قازاقتىڭ باسقا دا ايگىلى شىعارمالارىن ورىنداعان قازاقستاندىق شىعارماشىلىق توبىنىڭ كونتسەرتى ءوتتى» ، - دەپ جازىلعان حابارلامادا.