جازۋشى ادام مەكەبايەۆ قايتىس بولدى
قالامگەر رەسپۋبليكالىق ادەبي- مادەني باسىلىمداردا قىزمەت ەتكەن، باسپادا رەداكتور بولعان. شىعارمالارىنىڭ تاقىرىبىنىڭ الۋاندىعىمەن، ءتىلىنىڭ شۇرايلىلىعىمەن ەرەكشەلەنگەن ادام مەكەبايەۆ وقىرماندارىنىڭ سۇيىكتى جازۋشىلارىنىڭ قاتارىندا بولدى. قالامگەر «جادىرا» (1970)، «جەزتىرناق» (1973)، «ايتىلماي قالعان اڭىز» (1990) اتتى وننان استام پروزالىق كىتاپتاردىڭ، «پەرىشتە كەلىنشەك» (1982)، «جەر كىندىگىندەگى اپات» (1992)، «داۋىلدى جەر» (1988)، «قازىنا سىرى» (1994) روماندارىنىڭ، «جار جاعالاعان قىز» (2001) پوۆەستەر جيناعىنىڭ، «وي تۇبىندە جاتقان ءسوز»، «مىڭ جارىم جىلدىق قاتە» (2003) اتتى پۋبليتسيستيكالىق كىتاپتاردىڭ اۆتورى. «ەرەن ەڭبەگى ءۇشىن»، «قازاقستان رەسپۋبليكاسىنىڭ تاۋەلسىزدىگىنە 10 جىل» مەدالدارىمەن ماراپاتتالعان.
جازۋشىنى اقتىق ساپارعا شىعارىپ سالۋ ءراسىمى ەرتەڭ، 10- قىركۇيەك كۇنى ساعات 10:30 دا الماتى قالاسىنداعى قازاقستان جازۋشىلار وداعىنىڭ عيماراتىندا وتەدى، دەپ حابارلايدى ادەبيەت پورتالى.