قازاق بالۋانى كوشپەندىلەردىڭ بۇكىل الەمدىك ويىندارىندا توپ جاردى

 بۇل تۋرالى حالىقارالىق تۇركى اكادەمياسىنىڭ باسپا ءسوز قىزمەتى حابارلايدى.

قىرعىز كۇرەسىنەن اقتىق سىن بۇگىن 10- قىركۇيەكتە «رۋح وردا» ەتنوكەشەنىندە ءوتتى. 60 كەلىگە دەيىنگى سالماق دارەجەسىندە ونەر كورسەتكەن ازامات ساتىبالدينوۆ قىرعىزستان وكىلى بەكتۇرسىن تولوش ۇلىمەن فينالدىق بەلدەسۋدە جولىعىپ، قارسىلاسىنان باسىم ءتۇستى. ال قازاقستاننىڭ ەكىنشى وكىلى قىرعىز كۇرەسىنەن 74 كەلىگە دەيىنگى سالماقتا سىنعا تۇسكەن المات تايباعاروۆ قىرعىز دۋلات مومبەكوۆتەن ۇتىلىپ قالدى.

 ەسكە سالايىق، العاش رەت ءوتىپ وتىرعان بۇكىل الەمدىك كوشپەندىلەر ويىندارىنا 20 عا جۋىق ەلدەن 400 گە تارتا سپورتشى قاتىسىپ جاتىر. شارا 9 جانە 14 - قىركۇيەك ارالىعىندا وتەدى. بۇل حالىقارالىق شارا تۋرالى الەمنىڭ BBC، «ءال- جازيرا» ، TRT AVAZ سياقتى بەدەلدى اقپارات قۇرالدارى حابار تاراتادى. كوشپەندىلەردىڭ بۇكىل الەمدىك ويىندارى اياسىندا Nomad folk اتتى فولكلور فەستيۆالى مەن Ethno Fashion اتتى ءسان كورسەتىلىمى دە ۇيىمداستىرىلادى.

 Tengrinews.kz