قازاق مەملەكەتتىك قىزدار پەداگوگيكالىق ۋنيۆەرسيتەتىندە ەرەكشە كورمە اشىلدى
كورمەگە بۇگىندە ىرگەتاسى قالانعانىنا 70 جىل تولىپ وتىرعان وقۋ ورنىنىڭ ۇزدىك 70 تۇلەگىنىڭ وتباسىلىق سۋرەتى قويىلعان.
ماقسات - فوتوسۋرەتتەر ارقىلى جاس ۇرپاققا جانۇيا قۇندىلىعىن ناسيحاتتاۋ. «70 جىلداعى - 70 باقىتتى وتباسى». قازاق مەملەكەتتىك قىزدار پەداگوگيكالىق ۋنيۆەرسيتەتى جانىنان اشىلعان ەرەكشە فوتوكورمە وسىلاي اتالادى.
بۇل جەرگە وسى وقۋ ورنىندا ءبىلىم العان، بۇگىندە ىنتىماقتى وتباسىنىڭ شىراعى بولعان انالاردىڭ جانۇيالىق سۋرەتى قويىلعان. كورمەدەن حالىققا تانىمال تۇلعالاردىڭ سۋرەتتەرىن كەزدەستىرۋگە بولادى. ماسەلەن، ق ر ۇكىمەت باسشىسى كارىم ءماسىموۆتىڭ، الماتى قالاسىنىڭ اكىمى احمەتجان ەسىموۆتىڭ جۇبايلارى - وسى ۋنيۆەرسيتەتتىڭ تۇلەكتەرى.
بيبىگۇل تولەگەنوۆا، قازاقستان جانە كسرو-نىڭ حالىق ءارتىسى:
- وسى قىزدارعا ارنالعان وقۋ ورداسى ەڭ الدىمەن قىز-كەلىنشەكتەردى انا بولۋعا تاربيەلەيتىن ۋنيۆەرسيتەت دەپ سانايمىن. ۇلاعاتتى انالار وسىدان شىعاتىنىنا كامىل سەنەمىز. قىزدار پەداگوگيكالىق ۋنيۆەرسيتەتىنىڭ ماقتانىشىنىڭ ءبىرى - ق ر پارلامەنتى ءماجىلىسىنىڭ دەپۋتاتى ورازكۇل اسانعازى. قوعام قايراتكەرى ءوزىنىڭ بولاشاق جارىمەن وسى ۋنيۆەرسيتەتتىڭ الدىندا تانىسقان.
بۇگىندە ولاردىڭ وتاسقانىنا 41 جىل بولعان. قوعامدىق جۇمىسىمەن قاتار، وتباسىلىق مىندەتىن ابىرويمەن اتقارىپ جۇرگەن دەپۋتات ىنتىماقتى وتباسىنىڭ قۇپياسى ەرلى زايىپتى جانداردىڭ جاۋاپكەرشىلىگىن سەزىنۋىندە دەپ وتىر.
ورازكۇل اسانعازى، ق ر پارلامەنتى ءماجىلىسىنىڭ دەپۋتاتى:
- ەر ازامات سول شاڭىراقتىڭ ەكونوميكاسىن، ساياساتىن قولىنا الۋى كەرەك. ال وتباسىنىڭ ايرانداي ۇيۋى، ابىسىن-اجىنمەن، اعايىن-تۋعانمەن، ۇجىممەن تاتۋ- ءتاتتى بولۋى بۇل انانىڭ قولىندا. ءبىز قىزدى وسىعان تاربيەلەۋىمىز كەرەك. قازاق ءۇشىن وتباسى اركەز كيەلى ۇعىم بولعان. قازىر ەلىمىزدە جىلىنا 150 مىڭداي نەكە تىركەلسە، وكىنىشكە وراي ولاردىڭ 0 دان كوبى اجىراسادى ەكەن. شاراعا جينالعاندار بۇل اجىراسۋدىڭ سوڭى ورنى تولماس وكىنىشتەرگە ۇلاسىپ جاتقانىن ايتادى.
ماسەلەن، قازىر ەلىمىزدە 33 مىڭداي جەتىم بالا بولسا، ولاردىڭ � ى - اكە-شەشەسى بار الەۋمەتتىك جەتىمدەر.
ماحاببات بەكبوسىنوۆا، ق ر پرەزيدەنتى جانىنداعى ايەلدەر ىستەرى جانە وتباسىلىق دەموگرافيالىق ساياسات جونىندەگى ۇ ك ءتورايىمى:
- بالانى دۇنيەگە اكەلگەن سوڭ وعان دۇرىس تاربيە بەرۋ - اتا-انانىڭ مىندەتى. وكىنىشكە وراي، ەرلى-زايىپتىلار اراسىنداعى تۇسىنىسپەۋشىلىكتەن، اجىراسۋدان بۇلدىرشىندەر جاپا شەگۋدە. شاڭىراعى شايقالعان وتباسىندا وسكەن بالالار كوبىنە جاسىق نەمەسە جامان ادەتتەرگە بەيىم بولادى. سوندىقتان قازىر بىزگە وتباسى ينستيتۋتىن جاڭعىرتۋ قاجەت. وتباسى ينستيتۋتىن جانداندىرۋ ماقساتىندا وتكەن جىلى ەلىمىزدە قىركۇيەكتىڭ ەكىنشى جەكسەنبىسى وتباسى كۇنى بولىپ جاريالاندى.
اۆتورلارى: عايني داۋلەتباق قىزى، ۆلاد شيشكو
24.kz