ءۇندىستاندا ەكى وقۋشى قىزدىڭ ولىمىنە قاتىستى داۋلى تەرگەۋ امالدارى جالعاسۋدا
14:09, 07 - قىركۇيەك 2014
استانا. قازاقپارات - ءۇندىستاننىڭ اسسام شتاتى پوليتسياسى 16 جاستاعى ەكى قىزدىڭ ولىمىنە قاتىستى تەرگەۋ امالدارىن جۇرگىزىپ جاتىر، دەپ حابارلايدى BBC.
پوليتسيا قىزداردى بانگلادەشپەن اراداعى شەكارا مىڭىندا اعاشتا اسىلىپ قالعان جەرىنەن تاپقان. ەندى ارنايى ساراپتاما ولاردىڭ زورلىق كورگەن، كورمەگەنىن انىقتاماق.
پوليتسيانىڭ حابارلۋىنشا، بۇل جاعداي مامىر ايىندا ۋاتتەر پرادەشتە بولعان وقيعاعا ۇقساس بولۋى مۇمكىن. ول كەزدە دە اپالى-ءسىڭىلى ەكى قىزدى زورلاپ ءولتىردى دەگەن كۇدىكپەن 3 ەر ادام ۇستالعان بولاتىن. ءبىراق، زەرتتەۋ-ساراپاتاما قورىتىندىسى بويىنشا قىزداردىڭ زورلانباعانى انىقتالعان.