قازاقستانعا كەلە جاتقان جولاۋشى اۋەجايدا قايتىس بولدى
14:29, 05 - قىركۇيەك 2014
استانا. قازاقپارات - ماينداعى فرانكفۋرت قالاسىنان استاناعا ۇشىپ كەلە جاتقان جولاۋشىنىڭ جاعدايى كۇرت ناشارلاۋىنا بايلانىستى Air Astana اۆياكومانياسىنىڭ «بوينگ 767» ۇشاعى سامارا اۋەجايىنا قونۋعا ءماجبۇر بولدى،
دەپ حابارلادى «ينتەرفاكس».
« Air Astana » اۆياكومانياسىنىڭ «بوينگ 767» ۇشاعى ماينداعى فرانكفۋرتتەن استاناعا باعىت العان. ءبىر جولاۋشىنىڭ جاعدايى ناشارلاپ، سامارا اۋەجايىنا قوندى. بورتقا كوتەرىلگەن دارىگەرلەر جولاۋشىنى امان الىپ قالا المادى» ، دەپ جازىلعان حابارلامادا.
قايتىس بولعان 1948 - جىلى تۋعان گەرمانيا ازاماتى، بۇرىن قازاقستاندا تۇرعان. ول استاناعا تۋىسقاندارىنا كەلە جاتقان.
جولاۋشىنىڭ قازا بولۋ سەبەبىن مەديتسينالىق ساراپتاما انىقتايدى.