بۇل تۋرالى وبلىستىق سوتتىڭ باسپا ءسوز قىزمەتى ءمالىم ەتتى.
كوكشەتاۋ قالالىق سوتى شەنەۋنىككە قاتىستى قازاقستان رەسپۋبليكاسىنىڭ قىلمىستىق كودەكسىنىڭ 325-بابى 3-بولىگى بويىنشا جالعان قۇجاتتى (جوعارى ءبىلىمى تۋرالى ديپلومدى) قولدانعانى ءۇشىن قىلمىستىق ءىس قارادى.
سوتتا ول 2013 - جىلى قاراشا ايىندا جالعان ديپلومى نەگىزىندە، «كوكشەتاۋ جىلۋ» ش ج ق م ك م-نە جەكە قازاندىقتىڭ باسشىسى بولىپ جۇمىسقا قابىلدانعانى انىقتالدى.
ول سوتتا جاسالعان قىلمىستاعى ءوز كىناسىن مويىنداپ، 2002 - جىلى ش. ۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىنە سىرتتاي وقۋ بولىمىنە تۇسكەنىن ايتتى. سودان كەيىن بۇرىن تانىس ازاماتتى كەزدەستىرىپ، وعان 450 ا ق ش دوللارىن تولەپ، «فينانس جانە كرەديت» ماماندىعى بويىنشا جالعان ديپلوم الدى.
سوت ۇكىمىمەن ازامات ا. قازاقستان رەسپۋبليكاسىنىڭ قىلمىستىق كودەكسىنىڭ 325-بابىنىڭ 3-بولىگىمەن قاراستىرىلعان قىلمىس جاساعانى ءۇشىن كىنالى دەپ تانىلىپ، وعان 200 ساعات قوعامدىق جۇمىس تۇرىندەگى جازا تاعايىندالدى.
مامانداندىرىلعان مەملەكەتتىك ورگانعا ۇكىمدى ورىنداۋ باقىلاۋى جۇكتەلدى.
اۆتور: اسلان وسپانوۆ