باراك وباما ناتو سامميتىنە قاتىسادى
القالى جيىن بارىسىندا دەرجاۆا باسشىسى ءوزىنىڭ وداقتاستارىمەن بىرگە «يسلام مەملەكەتى» ەكسترەميستىك توبىنا قارسى كۇرەستىڭ ستراتەگياسىن تالقىلاماق. بۇل تۋرالى ۆاشينگتونداعى مەنشىكتى ءتىلشىمىز جىگەر سارسەن حابارلادى.
اق ءۇيدىڭ باسپا ءسوز حاتشىسى دجوش ەرنەست مالىمدەگەندەي، ا ق ش پرەزيدەنتى NATO سامميتىندە ۇيىمعا مۇشە مەملەكەت باسشىلارىمەن «يسلام مەملەكەتىنىڭ» تەررورشىلارىنا قارسى تۇرۋدىڭ قوسىمشا ءىس- شارالارىن قاراستىرادى.
سونىڭ ىشىندە كەشەندى ستراتەگيانى جۇزەگە اسىرۋ بويىنشا اۋقىمدى كواليتسيا قۇرۋ ماسەلەسى ءسوز بولماق. دجوش ەرنەست سونداي- اق باراك وبامانىڭ پەنتاگونعا يراك استاناسى باعدادقا ارناپ تاعى 350 اسكەري جاساق جىبەرۋ تۋرالى مەملەكەتتىك دەپارتامەنتتىڭ سۇرانىسىن ورىنداۋدى مىندەتتەگەنىن جەتكىزدى. قوسىمشا اسكەر كۇشى باعدادتاعى ا ق ش ەلشىلىگى پەن ديپلوماتتارىنىڭ قاۋىپسىزدىگى ءۇشىن قاجەت.
ا ق ش قورعانىس مينيسترلىگىنىڭ تاراتقان مالىمەتى بويىنشا، يراكتاعى امەريكالىق ديپلوماتتاردىڭ قورعانىسىنا جاۋاپتى اسكەريلەر سانى سونىمەن 820 عا جەتپەك. ال تۇماندى البيونداعى NATO سامميتىنىڭ نەگىزگى تاقىرىپتارى اۋعانستانداعى احۋال مەن ۋكرايناداعى داعدارىسقا ارنالادى. ا ق ش پرەزيدەنتى سامميتكە دەيىن ەستونياعا سوعىپ قايتپاق .
www.24.kz