ءتاۋباعا كەلگەن كۇيەۋ
ال كۇيەۋى ونىڭ بۇنىسىنا قاتتى اشۋلاناتىن. سول ءۇشىن دە ايەلىنە كورسەتپەگەن قورلىعى جوق ەدى. ايەلى بايعۇس كۇيەۋىنەن كورگەن قۇقايلارعا بارىنشا سابىر ەتەتىن دە تەك قانا اللاھقا كۇندىز-ءتۇنى دۇعا ەتىپ، كۇيەۋىن تۋرا جولعا ءتۇسىرۋدى تىلەيتىن.
قاباعىنان قار جاۋعان كۇيەۋى ءبىر كۇنى تاعى دا قاتتى اشۋلاندى. ايەلىن وسى جولى دا ەبىن تاۋىپ شىقپىرتىپ الماق بولعاندىقتان، وزىنشە وعان سەبەپ ىزدەي باستادى. ىشتەي: «بۇنى جاقسىلاپ تۇرىپ قاتىرايىن، قايتەر ەكەن؟ سودان سوڭ كورسەتەيىن كورەسەسىن» دەپ كۇبىرلەگەن كۇيى ايەلىنە جالا جاۋىپ، جازعىرۋدىڭ جولىن قاراستىرا باستادى. قۇداي الدىندا باس ءيىپ يمانعا كەلمەگەندىكتەن، ونىڭ جۇرەگىن الدەقاشان وسىنداي بىقسىعان ارامدىق جايلاپ العان-دى.
ايەلىن شاقىرىپ وعان ءبىر كەسە التىن بەردى دە:
- مىنانى ءبىر جەرگە تىعىپ قوي! - دەدى. ايەلى كۇيەۋىنىڭ ايتقانىن ەكى ەتپەستەن «بيسميللاھ» دەگەن كۇيى التىن تولى كەسەنى ءۇيدىڭ ءبىر جەرىنە تىعىپ قويدى. ال كۇيەۋى ونى سىرتتاي اڭدىپ تۇرىپ، التىندى ايەلىنىڭ قايدا جاسىرعاندىعىن ءبىلىپ الدى. ارتىنشا ايەلىنىڭ كوزىن الا بەرىپ جاسىرعان جەردەن التىندى الدى دا كەسەسىن سۋى بار تەرەڭ ءبىر قۇدىققا تاستاي سالدى. ارادا كوپ وتپەي جاتىپ ايەلىن قايتا شاقىردى دا:
- انەۋكۇنگى ساعان بەرگەن التىندى قايتىپ اكەل، - دەدى. ايەلى جۇگىرىپ بارعان كۇيى ءوزى جاسىرعان جەرگە «بيسميللاھ» دەپ قولىن سۇقتى. ايەلدىڭ شىن ىقىلاس-پەيىلىنە اللاھ تاعالا رازى بولعاندىقتان، بار التىن مۇرتى بۇزىلماعان كۇيى كەسەسىمەن بىرگە سول ورنىندا تۇر ەدى. ءبىراق كەسەدەن سۋ تامشىلاپ تۇردى. ايەل كەسەنىڭ نەلىكتەن سۋ بولعانىن تۇسىنبەستەن، التىندى العان كۇيى كۇيەۋىنە اكەلىپ بەردى.
التىن تولى كەسەنى ءباز باياعى قالپىندا كورگەندە كۇيەۋى ەسى شىعا تاڭعالدى. ءسويتتى دە ايەلىنىڭ ىستەپ جۇرگەن تىرلىكتەرىنىڭ قانشالىقتى شىندىق ەكەندىگىنە وسى جولى انىق كوز جەتكىزدى. قيپاقتاپ ايەلىنە قاراعان كۇيى:
- ساعان وسى ۋاقىتقا دەيىن قانشاما قيانات جاسادىم. مەنىڭ بارلىق پەندەشىلىكتەرىمدى كەشىرشى؟ شىن ءتاۋبا ەتىپ، اللاھتان دا كەشىرىم سۇرايمىن. وسىدان باستاپ قۇلدىق ۇرىپ، قۇلشىلىعىمدى جاسايتىن بولامىن، - دەپ جالىندى.
سول كۇننەن باستاپ:
- ءيا، اللاھ تاعالا! ماعان و دۇنيە مەن بۇ دۇنيەمدى باقىتتى ەتەتىن ءدىندار ايەل ءناسىپ ەتكەنىڭە كوپ شۇكىرشىلىك ايتامىن. مەنى كەشىرە گور! - دەپ دۇعا ەتەتىن بولدى.
ال ونىڭ يماندى ايەلى بولسا:
- و، جاراتقان! ەرتەلى-كەش اۋزىمنان تاستامايتىن دۇعامدى قابىل الىپ، كۇيەۋىمدى تۋرا جولعا تۇسىرگەنىڭە مىڭ دا ءبىر شۇكىر، - دەپ دۇعا ەتتى.
داۋلەت شايتۋرسىن
(فەيسبۋكتاعى پاراقشاسىنان)