قىلمىسكەر مەكتەپكە شابۋىل جاساپ، وقۋشىلاردى پىشاقتادى
09:53, 02 - قىركۇيەك 2014
استانا.قازاقپارات - قىتايدىڭ حۋبي پروۆينتسياسىنا قاراستى شيان قالاسىندا پىشاقپەن قارۋلانعان ەر ازامات جەرگىلىكتى مەكتەپتەردىڭ بىرىنە شابۋىل جاساپ، مۇعالىم مەن سەگىز وقۋشىنى جارالادى.
شابۋىل سالدارىنان ءۇش وقۋشى قايتىس بولىپ، التاۋى ءتۇرلى دارەجەدەگى دەنە جاراقاتتارىن العان. ال، قولىن قانعا مالىعان كۇدىكتى ءىسىن اياقتاپ بولعان سوڭ تەرەزەدەن ءوزىن تاستاپ كوز جۇمدى.
كەيبىر دەرەكتەرگە قاراعاندا، شابۋىل جاساعان ەر ازامات اتالعان مەكتەپتە ءبىلىم الاتىن بالالاردىڭ ءبىرىنىڭ اكەسى بولۋى ابدەن مۇمكىن. بالاسىن مەكتەپكە 4 مارتە اپارىپ وقۋعا قابىلداتا الماي قويعان اكە اشۋدان وسىنداي قىلمىسقا بارعان كورىنەدى.ءتارتىپ ساقشىلارى قازىر وقيعانىڭ ءمان- جايىن انىقتاپ جاتىر.