يراك اسكەرى «يسلام حاليفاتى» جاۋىنگەرلەرىنەن ءامىرلى قالاسىن ازات ەتتى
08:36, 01 - قىركۇيەك 2014
استانا. قازاقپارات - يراكتىڭ اسكەريلەرى ەلدىڭ سولتۇستىگىندەگى ءامىرلى قالاسىن «يسلام حاليفاتى» جاۋىنگەرلەرىنەن ازات ەتتى، دەپ جازادى Reuters.
اگەنتتىكتىڭ يراك گەنەرال- لەيتەنانتى كاسسيما ال-مۋسساۆيگە سىلتەمەمەن حابارلاۋىنشا، قازىرگى ۋاقىتتا ەلدىڭ اسكەريلەرى قالانى ءوز باقىلاۋىنا الدى. سونداي-اق، جەرگىلىكتى ساياساتكەر فاۆزي اكرام ال-تارزي دە وسى مالىمەتتى راستاپ وتىر. ول، سونداي-اق، تۇرعىندارعا گۋمانيتارلىق كومەك تە بەرىلە باستاعانىن حابارلادى.
ديال پروۆينتسياسىنىڭ ءامىرلى شاھارى تۇرعىندارىنىڭ نەگىزگى بولىگىن تۇركىمەندەر قۇرايدى. ولار سوڭعى ەكى اي بويى سۋ مەن ازىق-تۇلىكتەن تاپشىلىق كورگەن. ەلدىڭ قارۋلى كۇشتەرى بۇعان دەيىن بىرنەشە مارتە قالانى ازات ەتۋگە تالپىنعانىمەن ارەكەتتەرى ءساتسىز اياقتالعان. سوندىقتان ولار تەك ۇشاقپەن گۋمانيتارلىق كومەك تاستاۋمەن شەكتەلىپ كەلگەن.