يراكتا امەريكالىق جۋرناليستى ولتىرگەن ادامنىڭ كىم ەكەنى انىقتالدى

استانا. قازاقپارات -  اعىلشىن ارنايى قىزمەتتەرى يراكتا امەريكالىق جۋرناليسى ءولتىردى دەپ توپشىلانعان ادامنىڭ كىم ەكەنىن انىقتادى.

اعىلشىن قۇقىق قورعاۋ ورگانى قىزمەتكەرلەرىنىڭ مالىمەتىنشە، امەريكالىق دجەيمس فوۋليدى ۇلى بريتانيالىق تەرروريست، دجيحادي دجون ەسىمىمەن بەلگىلى 23 جاستاعى ابدەل- مادجيد ابدەل باري ءولتىرۋى مۇمكىن.

 ول ءبىر جىل بۇرىن اتا- اناسىنىڭ لوندوننىڭ باتىسىنداعى ءبىر ميلليون فۋنت تۇراتىن ءزاۋلىم ۇيىنەن كەتىپ قالعان. ارنايى قىزمەتتەر ابدەل ءباريدىڭ جۋىردا Twitter- دە كەسىلگەن   باستىڭ سۋرەتىن جاريالاعانىن ايتىپ وتىر.  The Independent- ءتىڭ مالىمەتىنشە، كىسى ءولتىرۋشى رەپ- ورىنداۋشى رەتىندە دە تانىمال. 2012 - جىلى ونىڭ اندەرى BBC radio-دان بەرىلگەن. دجيحادي دجوننىڭ اكەسى ابدەل ابدۋ باري ايگىلى تەرروريست ۋساما بەن لادەننىڭ توڭىرەگىندەگى ادامداردىڭ ءبىرى بولدى. ول تەرروريزمگە كۇدىكتى ادام رەتىندە ۇلى بريتانيادان ا ق ش- قا ەكستراديتسيالانعان.

ايتا كەتەيىك، دجەيمس فوۋليدىڭ ولىمىنە قاتىستى تەرگەۋدى لوندون ينتەرنەتكە ورنالاستىرىلعان بەينەجازباداعى ادامنىڭ تىلىندە اعىلشىن اكسەنتى بايقالعانىنان كەيىن قولعا العان بولاتىن. «يسلام مەملەكەتى» لاڭكەستىك توبىنىڭ سودىرلارى جاريا ەتكەن بەينەروليكتە 2012 - جىلى سيريانىڭ سولتۇستىك- باتىسىندا جوعالىپ كەتكەن امەريكالىق جۋرناليست دجەيمس فوۋليدىڭ ولتىرىلگەنى تۇسىرىلگەن.

 39 جاستاعى ءتىلشىنىڭ تاعدىرى وسى كەزگە دەيىن بەيمالىم بولىپ كەلدى. سودىرلار تاعى ءبىر امەريكالىق جۋرناليست تۇسىرىلگەن بەينەجازبانى دا جاريا ەتىپ، ونىڭ تاعدىرى ا ق ش پرەزيدەنتى باراك وباما جاسايتىن قادامعا بايلانىستى ەكەنىن مالىمدەدى.

 Tengrinews.kz