تايىپ ەردوعاننىڭ جاڭا ۇشاعى ىستامبۇلعا جەتكىزىلدى

استانا. قازاقپارات - تۇركيا رەسپۋبليكاسىنىڭ 12- پرەزيدەنتى تايىپ ەردوعان جاڭا ۇشاققا وتىردى.

مەملەكەت باسشىسىنىڭ ۇلىقتاۋ راسىمىنەن سوڭ، وسىدان 2,5 جىل بۇرىن ارنايى تاپسىرىسپەن جاسالعان Airbus 330-200 ۇشاعى ا ق ش- تىڭ سان انتونيو قالاسىنان ۇشىپ، ىستامبۇلدىڭ سابيحا گوكچەن اۋەجايىنا قوندى.

   بۇل ۇشاق 50 ورىنعا شاقتالعان، الايدا تۇركيا پرەزيدەنتى ءۇشىن ول 90 ورىندىققا دەيىن كەڭەيتىلگەن. سالوندا اس بولمەسىنەن، جيىن وتكىزەتىن ورىنعا دەيىن بار. سونداي- اق ارنايى ۇشاقتا قاۋىپسىزدىك شاراسى ەرەكشە ەسكەرىلگەن. جەرگىلىكتى اقپارات قۇرالدارىنىڭ تاراتقان مالىمەتى بويىنشا ۇشاقتىڭ قۇنى 400 ميلليون ا ق ش دوللارىن قۇرايدى.