قازاقستاندا «ماڭگىلىك ەل» رەسپۋبليكالىق اكسياسىنىڭ ءبىرىنشى كەزەڭى ءوتتى
ق ر ءبىلىم جانە عىلىم مينيسترلىگى جاستار ءىسى جونىندەگى كوميتەتىنىڭ مەملەكەتتىك الەۋمەتتىك تاپسىرىسى بويىنشا «ستۋدەنتتىك ءوزىن-ءوزى باسقارۋ جانە دامۋ وداعى» كورپوراتيۆتىك قورى ۇيىمداستىرعان شاراعا استانا، قاراعاندى، كوكشەتاۋ، قوستاناي، پەتروپاۆل جانە پاۆلودار قالالارىنان شامامەن 2 مىڭ ادام قاتىستى.
اكسيا ەلوردادان باستالدى. شارا بارىسىندا ەرىكتىلەر ءىرى ساۋدا ۇيلەرىندە بولىپ، قازاق جانە ورىس تىلدەرىندەگى كىتاپشالار تاراتىپ، مەملەكەتتىك ءتىلدى ۇيرەنۋ ماڭىزى جايىندا اڭگىمەلەدى.
«ءبىزدىڭ جاستارىمىزدىڭ مۇنداي ماڭىزدى پروبلەمانى شەشۋگە كومەك قولدارىن سوزاتىندىعى قۋانتادى. مەن ورىس، ۋكراين، اعىلشىن تىلدەرىن جەتىك بىلەمىن، قازاق ءتىلىن ۇيرەنۋگە دە تالپىنىپ ءجۇرمىن. كوپتەگەن ءسوزدى بارلىعى دا بىلەدى. ءبىز ولاردى كۇندەلىكتى وقيمىز، اۆتوبۋستاردا ەستيمىز. ارينە، مىنا كىتاپشا مەنىڭ كادەمە جارايتىندىعىنا سەنىمىم مول. وكىنىشتىسى 6 تىم كىشكەنتاي ەكەن، ءبىراق ۇنەمى قالتاڭا سالىپ، الىپ جۇرۋگە وتە ىڭعايلى. مۇنداي اكسيالار تۇراقتى ءوتۋى ءتيىس»، - دەدى كوكشەتاۋ قالاسىنىڭ تۇرعىنى الەنا ستەپانەنكو.
«مەن مەكتەپتە وقىعان 1990-جىلداردىڭ باسىندا قازاق تىلىنە جەتە كوڭىل بولىنبەگەنى ەستە. ەندىگى ۋاقىتتا ءتىلدى ۇيرەنۋگە بارلىق جاعداي جاسالىپ وتىر»، - دەيدى ەلوردالىق گۇلنۇر سىزدىقوۆا.
ايتا كەتەرلىگى، اكسيانىڭ كەلەسى كەزەڭى قىركۇيەك ايىندا شىمكەنت (4.09) ، الماتى (8.09)، تاراز (9.09)، قىزىلوردا (10.09)، تالدىقورعان (11.09) جانە سەمەي (12.09) قالالارىندا ۇيىمداستىرىلادى.
اۆتور: مارلان جيەمباي