وباما پوروشەنكونى اق ۇيگە كەزدەسۋگە شاقىردى
15:09, 29 - تامىز 2014
استانا. قازاقپارات - ا ق ش پرەزيدەنتى باراك وباما 18 - قىركۇيەكتە اق ۇيدە ۋكرايندىق ارىپتەسى پەتر پوروشەنكومەن كەزدەسۋ وتكىزەدى، دەپ حابارلادى امەريكالىق پرەزيدەنت اكىمشىلىگىنىڭ باسپا ءسوز قىزمەتىنە سىلتەمەمەن بي-بي-سي.
وباما پوروشەنكومەن ۋكراينانىڭ شىعىسىنداعى داعدارىستى ديپلوماتيالىق جولمەن شەشۋ ماسەلەسىن تالقىلاماق دەپ حابارلاندى.
سونداي- اق ا ق ش ەگەمەندىگى مەن اۋماقتىق تۇتاستىعىن قورعاۋ جولىنداعى كۇرەستە ۋكراينانى قولداۋىن جالعاستىراتىنىن اتاپ ءوتتى.
كەشە ا ق ش پرەزيدەنتى باراك وباما رەسەيدى ۋكراينا شىعىسىندا زورلىق- زومبىلىق جاساعانى ءۇشىن ايىپتادى.
ب ۇ ۇ جانىنداعى رەسەيدىڭ تۇراقتى وكىلى ۆيتاليي چۋركين داعدارىستى « ءوز حالقىنا قارسى سوعىس جۇرگىزىپ جاتقان كيەۆتىڭ جاۋاپسىز ساياساتىنىڭ تىكەلەي سالدارى» دەپ مالىمدەدى.