شاكيرا ەكىنشى بالاعا جۇكتىلىگى جايىنداعى قاۋەسەتتى راستادى

استانا. قازاقپارات - كولۋمبيالىق ءانشى شاكيرانىڭ ەكىنشى ءسابيىن كۇتىپ جۇرگەندىگى جايلى سوڭعى ۋاقىتتاردا ب ا ق-تا ءجيى ايتىلىپ كەلگەن. جاقىندا ءانشى بۇل اڭگىمەنىڭ شىندىققا جاناساتىنى جايلى حابار تاراتتى.

پوپ-جۇلدىز مەكسيكالىق Cosmopolitan جۋرناليستەرىنە بەرگەن سۇحباتىندا يسپاندىق فۋتبولشى جەرار پيكەدەن ەكىنشى نارەستە كۇتىپ وتىرعاندىعىن مالىمدەدى.

العاش رەت ءانشىنىڭ جۇكتىلىگى تۋرالى اقپارات باسپا سوزدە شىلدەدە فۋتبولدان الەم چەمپيوناتى ءوتىپ جاتقان كەزدە جارىق كوردى، دەپ حابارلادى Lenta.ru. شاكيرا سپورت شاراسىندا قاراپايىم، ءىشىن جاسىراتىن كوپ قاتپارلى كويلەكپەن شىقتى. الايدا ءانشى مەن ونىڭ ازاماتتىق نەكەدەگى جۇبايى ول كەزدە جاڭالىقتارىمەن بولىسپەدى.

37 جاستاعى ءانشى مەن 27 جاستاعى فۋتبولشىنىڭ ءبىرىنشى بالاسى ءبىر جارىم جاستا. ميلان مەباراك پيكە (مەباراك -اناسىنىڭ تەگى) 2013-جىلى قاڭتاردا دۇنيەگە كەلگەن.

ەسكە سالا كەتەيىك، شاكيرا العاشقى جۇكتىلىگى تۋرالى ءوزىنىڭ Facebook پاراقشاسىنا حابارلاما ورنالاستىرىپ، راستاعان بولاتىن.