عىلىمدى تاستاپ كەتكەن عالىم باقىتقا جەتكەن
ريكار كۇندەلىكتى مەديتاتسيانىڭ ارقاسىندا، ۋايىم-قايعىدان ادا ۇنەمى باقىتتى كۇيدە جۇرەدى ەكەن.
زەرتتەۋ اياسىندا ۆيسكونسين ۋنيۆەرسيتەتىنىڭ نيەۆرولوگ عالىمى ريچارد دەۆيدسون ريكاردىڭ باسىنا 256 داتچيك ورناتقان. ولار ماتەنىڭ ميىندا مەديتاتسيا كەزىندە ورىن الاتىن وزگەرىستەردى تىركەپ وتىرعان. تىركەۋ ناتيجەسى كورسەتكەندەي، مەديتاتسيا بارىسىندا ريكاردىڭ ميىنىڭ گامما تولقىندى بەلسەندىلىگى ەلەۋلى تۇردە ارتاتىندىعى انىقتالدى.
وسىعان بايلانىستى، زەرتتەۋشىلەردىڭ بولجامىنشا، مي قىرتىسىنىڭ پرەفرونتالدىق، ياعني الدىڭعى جاعىندا بولاتىن شامادان تىس بەلسەندىلىك - ادامنىڭ باقىتتى بولۋىنا ەرەكشە ىقپال ەتەدى. ويتكەنى وندايدا ادام تورىعۋعا بەرىلىپ، ۋايىمعا بەرىلمەيدى.
«ءبىز سوڭعى 12 جىل ىشىندە وسى ءبىر ەرەكشە ناتيجەگە قول جەتكىزۋگە تىرىستىق. بۇل ءۇشىن مەديتاتسيامەن اينالىساتىن جۇزدەگەن ادامداردى زەرتتەدىك. اسىرەسە، ونىمەن ۇزاق جىلدار اينالىساتىن جانداردى باقىلاي وتىرىپ، تاماشا ناتيجەلەردى تىركەدىك. سونىمەن قاتار، مەديتاتسيامەن ەندى عانا اينالىسا باستاعانداردىڭ ميىندا دا وڭ وزگەرىستەر بايقالدى. دەمەك، مەديتاتسيا بۇل كولەڭكەدە وتىرىپ الىپ قالعىپ، مۇلگۋ ەمەس، بۇل قۇپياعا تولى تىلسىم دۇنيە! ول ادامنىڭ ميىن وزگەرتەدى. دەمەك ادامنىڭ ءوزىن دە وزگەرتە الادى» - دەدى ءوز سوزىندە ريچارد دەۆيدسون.
عىلىمدا «نەيرويىلىمدىلىك» دەپ اتالاتىن بۇل قۇبىلىستى قازىر بۇكىل الەم عالىمدارى زەرتتەۋ ۇستىندە.
اۆتور: جاپپاربەرگەن ايبوتا